പന്തളം ∙ ഓണവിഭവങ്ങൾക്കു മധുരം പകരാൻ കൃഷി വകുപ്പിന്റെ അധീനതയിലുള്ള കടയ്ക്കാട് കരിമ്പ് വിത്തുൽപാദന കേന്ദ്രത്തിൽ പന്തളം ശർക്കരയുടെ ഉൽപാദനം തുടങ്ങി. 26 മുതൽ വിൽപന തുടങ്ങും.
കൃഷിഫാമിലെ കൗണ്ടറിൽ കൂടി മാത്രമാണ് വിൽപന. പതിയൻ ശർക്കര കിലോയ്ക്ക് 140 രൂപയും ചുക്കുണ്ടയ്ക്ക് 160 രൂപയുമാണ് വില. 8 ടണ്ണിൽ കുറയാതെ ഇത്തവണ ഉൽപാദനം നടത്താനാകുമെന്നാണ് പ്രതീക്ഷയെന്ന് കൃഷി ഓഫിസർ സന്ദീപ് പി.കുമാർ പറഞ്ഞു.
ഫില്ലിങ് മെഷീന്റെ സഹായത്തോടെ ശർക്കര പാക്കറ്റുകളിലാക്കുന്ന ജോലിയും തുടങ്ങി.
കരിമ്പ് വിത്തുൽപാദനകേന്ദ്രത്തിലെ 15 ഏക്കറോളം വരുന്ന പാടത്ത് ഉൽപാദിപ്പിച്ച കരിമ്പാണ് ഉപയോഗിക്കുന്നത്. മായം ചേരാതെ, ശുദ്ധമായി തയാറാക്കുന്നതിനാൽ പന്തളം ശർക്കരയ്ക്ക് പ്രിയമേറെയാണ്. കഴിഞ്ഞ വർഷം ഉൽപാദനം രണ്ടര ടൺ മാത്രമായിരുന്നു. എന്നാൽ, ആവശ്യക്കാരേറെയായിരുന്നു.
ഇത്തവണ ഈ കുറവ് നികത്താനാണ് ശ്രമം. തമിഴ്നാട്ടിൽ നിന്നുള്ള പരിചയസമ്പന്നരായ തൊഴിലാളികളെ കരാർ വ്യവസ്ഥയിൽ നിയമിച്ചാണ് ഉൽപാദനം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
