കോന്നി ∙ അച്ചൻകോവിലാറ്റിലൂടെ ഒഴുകി വന്ന മ്ലാവിനെ വനംവകുപ്പ് ആർആർടി (റാപ്പിഡ് റെസ്പോൺസ് ടീം) രക്ഷപ്പെടുത്തി. ഇന്നലെ രാവിലെ ഒൻപതോടെ അട്ടച്ചാക്കൽ മുളമൂട്ടിൽ മണ്ണിൽകടവിലാണ് നാട്ടുകാർ മ്ലാവിനെ കണ്ടത്. തുടർന്ന് വനംവകുപ്പ് അധികൃതരെ വിവരമറിയിച്ചു.
ഉടൻതന്നെ ഡപ്യൂട്ടി റേഞ്ച് ഓഫിസർ എം.ഐ.ജിലീഫിന്റെ നേതൃത്വത്തിൽ ആർആർടി അംഗങ്ങൾ സ്ഥലത്തെത്തി ആറ്റിലിറങ്ങി മ്ലാവിനെ കരയിലെത്തിക്കുകയായിരുന്നു.
സുരക്ഷിതമായി കരയിലെത്തിച്ച മ്ലാവിനെ കുമ്മണ്ണൂർ ഫോറസ്റ്റ് സ്റ്റേഷനിൽ എത്തിച്ച് പ്രാഥമിക ശുശ്രൂഷ നൽകി. മ്ലാവിന്റെ ആരോഗ്യത്തിനു പ്രശ്നമില്ലെന്നു കണ്ടതോടെ വൈകിട്ട് മൂന്നരയോടെ കുമ്മണ്ണൂർ വനത്തിൽ വിട്ടയച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
