പാലക്കാട് ജില്ലയിൽ ഇന്ന് (30-03-2025); അറിയാൻ, ഓർക്കാൻ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ഇലക്ട്രിക് വീൽചെയർ നൽകി
ചിറ്റൂർ ∙ ഗവ. കോളജിലെ ഭിന്നശേഷിക്കാരായ വിദ്യാർഥികൾക്ക് ഉപയോഗിക്കാനായി കോളജിലെ എൻഎസ്എസ് യൂണിറ്റുകളുടെ നേതൃത്വത്തിൽ ഇലക്ട്രിക് വീൽചെയർ നൽകി. കോളജിലും പരിസരപ്രദേശങ്ങളിലുമായി ബിരിയാണി ചാലഞ്ച് നടത്തിയും കോളജിലും സിഡബ്ല്യുഎസ്എയുടെ ജില്ലാ സമ്മേളനത്തിന്റെ ഭാഗമായി സംഘടിപ്പിച്ച എക്സ്പോയിലും ജ്യൂസ്‌ സ്റ്റാളിട്ടുമാണ് വിദ്യാർഥികൾ ഇതിനായുള്ള പണം സമാഹരിച്ചത്.
ലഹരി വിരുദ്ധ ക്ലാസ്
പുതുശ്ശേരി ∙ വാക്കൽപാടത്തെ യുവനിര ആർട്സ് ക്ലബ്ബിന്റെ വാർഷികാഘോഷത്തിന്റെ ഭാഗമായി യുവാക്കൾക്കായി ലഹരി വിരുദ്ധ ബോധവൽക്കരണ ക്ലാസ് നടത്തി. പഞ്ചായത്ത് ഉപാധ്യക്ഷൻ കെ.അജീഷ് ഉദ്ഘാടനം ചെയ്തു. ക്ലബ് പ്രസിഡന്റ്‌ രമാദേവിയുടെ അധ്യക്ഷയായി. കസബ എസ്ഐ ആർ.മനോജ്‌കുമാർ ക്ലാസെടുത്തു. വാർഡ് മെംബർ എം.കൃഷ്ണനുണ്ണി, ക്ലബ് സെക്രട്ടറി ബ്രിജിലാൽ, കിഷോർ എന്നിവർ പ്രസംഗിച്ചു.
