ഒലവക്കോട്–താണാവ് റോഡ്; മണ്ണിടിച്ചിൽ: താൽക്കാലിക സംരക്ഷണ ഭിത്തി ഒരുക്കും

പാലക്കാട് ∙ ഒലവക്കോട്–താണാവ് റോഡിലെ മണ്ണിടിച്ചിൽ തടയാൻ നടപടി സ്വീകരിക്കുമെന്ന് പിഡബ്ല്യുഡി ദേശീയപാത വിഭാഗം അറിയിച്ചു. വശത്തു മൺചാക്കുകൾ നിരത്തി തൽക്കാലം അപകട

ഭീഷണി ഒഴിവാക്കും. തുടർ നടപടി സ്വീകരിക്കേണ്ടതു ദേശീയപാത അതോറിറ്റിയാണ്. മണ്ണിടിച്ചിലിനെത്തുടർന്നുള്ള അപകട

സാഹചര്യം അതോറിറ്റിയെ അറിയിച്ചിട്ടുണ്ട്.
മഴക്കാല പ്രവൃത്തികളിൽ ഉൾപ്പെടുത്തിയാണു താൽക്കാലിക സുരക്ഷാ നടപടികൾ സ്വീകരിക്കുക. മഴ കനത്താൽ മണ്ണിടിച്ചിലിന്റെ ആക്കം ആക്കം കൂടിയേക്കുമെന്നും ആശങ്കയുണ്ട്.

വീതി കുറഞ്ഞ റോഡിൽ മണ്ണിടിയുന്ന വശത്തോടു ചേർന്നാണു വാഹനങ്ങൾ പോകുന്നത്. നിലവിൽ ഇവിടെ റിബൺ കെട്ടിയാണ് മുന്നറിയിപ്പു നൽകിയിരിക്കുന്നത്. വശത്തെ പാഴ്ച്ചെടികൾ വെട്ടി ഇവിടെ താൽക്കാലികമായെങ്കിലും സുരക്ഷാ വേലി സ്ഥാപിക്കണമെന്നും ആവശ്യമുണ്ട്. 
ബാക്കി കുഴികളും നികത്തും 
ഒലവക്കോട്–താണാവ് റോഡിലെ ബാക്കി കുഴികൾ കൂടി നികത്തുമെന്നു ദേശീയപാത വിഭാഗം അറിയിച്ചു.

മഴയുടെ ശക്തി കുറയുമ്പോഴായിരിക്കും പ്രവൃത്തി. അറ്റകുറ്റപ്പണിക്കു ദേശീയപാത വിഭാഗത്തിന്റെ അനുമതി ലഭിക്കുമെന്ന പ്രതീക്ഷയിലാണു ഇപ്പോഴത്തെ കുഴി നികത്തൽ നടത്തുന്നത്.

…