പഞ്ചായത്ത് റോഡുകൾ തകർന്നു; യാത്രാദുരിതം

ആലത്തൂർ ∙ എരിമയൂർ പഞ്ചായത്തിലെ റോഡുകൾ തകർന്ന് യാത്ര ദുരിതമായി മാറിയതായി എരിമയൂർ മണ്ഡലം കോൺഗ്രസ് കമ്മിറ്റി ആരോപിച്ചു.  മാരാക്കാവ്–അരിയക്കോട് റോഡ് തകർച്ചയുടെ വക്കിലാണ്. ഓട്ടോകൾക്കും ഇരുചക്രവാഹനങ്ങൾ ഉൾപ്പെടെയുള്ളവയ്ക്കും ഇതിലൂടെ പോകാനാവാത്ത അവസ്ഥയിലാണ്.

കൂടാതെ മരുതക്കോട്, ചുള്ളിമട റോഡും തകർന്നിരിക്കുകയാണ്.പഞ്ചായത്തിലെ മിക്ക റോഡുകളുടെയും അവസ്ഥ ഇതുതന്നെയാണെന്നും ആരോപിച്ചു. വികസന മുരടിപ്പാണ് പഞ്ചായത്തിലുള്ളത്.

റോഡുകൾ നന്നാക്കാൻ നടപടി സ്വീകരിച്ചില്ലെങ്കിൽ പ്രതിഷേധ പരിപാടികൾ നടത്തുമെന്ന് മണ്ഡലം കോൺഗ്രസ് കമ്മിറ്റി അറിയിച്ചു. …