ഷൊർണൂർ ∙ സ്വകാര്യ ബസിൽ ബൈക്കിടിച്ച് 3 വിദ്യാർഥികൾക്കു പരുക്ക്. കുളപ്പുള്ളി സ്വദേശികളായ പ്രിൻസ് (15), അശ്വിൻ (15), ഷൊർണൂർ ഗണേശഗിരി സ്വദേശി അഭിനവ് (15) എന്നിവർക്കാണു പരുക്കേറ്റത്.
ഇന്നലെ വൈകിട്ട് 5.30നായിരുന്നു അപകടം. കെവിആർ സ്കൂളിൽ നിന്ന് ഒരു ബൈക്കിൽ എത്തിയ 3 വിദ്യാർഥികൾ മുന്നോട്ടു നീങ്ങുന്നതിനിടെ നിയന്ത്രണം തെറ്റി എതിരെ വന്ന സ്വകാര്യ ബസിൽ ഇടിക്കുകയായിരുന്നു എന്നു പൊലീസ് പറഞ്ഞു.
അപകടത്തിൽ ഗുരുതരമായി പരുക്കേറ്റവരെ നാട്ടുകാരാണ് വാണിയംകുളത്തെ സ്വകാര്യ ആശുപത്രിയിൽ എത്തിച്ചത്. പ്രിൻസിനു തലയ്ക്കും ഇടുപ്പെല്ലിനുമാണു പരുക്ക്.
അശ്വിന്റെ തലയ്ക്കും കാലിനും ഗുരുതരമായി പരുക്കേറ്റിട്ടുണ്ട്. അഭിനവിന്റെ പരുക്കു ഗുരുതരമല്ല.
അപകടത്തിൽ ബൈക്ക് പൂർണമായും തകർന്നു. 3 പേരും ഷൊർണൂർ കെവിആർ സ്കൂളിലെ പത്താം ക്ലാസ് വിദ്യാർഥികളാണ്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
