ആലത്തൂർ ∙ തരൂർ തോണിപ്പാടം കാരമല ഇക്കോ ടൂറിസം പദ്ധതിയുടെ നിർമാണം പൂർത്തിയായി. ഓണത്തിനു മുൻപു വിനോദ സഞ്ചാരികൾക്കായി കേന്ദ്രം തുറന്നു കൊടുക്കും.
തദ്ദേശ സ്ഥാപനങ്ങളുടെ പരിധിയിൽ വിനോദ സഞ്ചാരത്തിന് അനുയോജ്യമായ സ്ഥലങ്ങൾ കണ്ടെത്തി വികസിപ്പിച്ചെടുക്കുക എന്ന ടൂറിസം വകുപ്പ് പദ്ധതിയാണിത്. കാരമലയിൽ സായാഹ്നങ്ങളിൽ താഴ്‌വര ഭംഗി കാണാൻ പ്രകൃതി സ്നേഹികൾ എത്താറുണ്ട്.
ആദ്യ ഘട്ടത്തിൽ പാർക്ക്, ടിക്കറ്റ് കൗണ്ടർ, ശുചിമുറികൾ എന്നിവ നിർമിച്ചു. ട്രെക്കിങ്ങിനു സൗകര്യം ഒരുക്കും.
ഉദ്യാനം, കുട്ടികൾക്കുള്ള പാർക്ക്, കളിക്കോപ്പുകൾ എന്നിവ സജ്ജമാക്കി.
5 കോടി രൂപയുടെ എസ്റ്റിമേറ്റാണു തയാറാക്കിയിട്ടുള്ളത്. ഒന്നാം ഘട്ടത്തിൽ 93.5 ലക്ഷം രൂപ അനുവദിച്ചു. ടൂറിസം വകുപ്പ് 50 ലക്ഷം, തരൂർ പഞ്ചായത്ത് 33,50,000, ബ്ലോക്ക് പഞ്ചായത്ത് 10 ലക്ഷം രൂപ എന്നിങ്ങനെ വകയിരുത്തി.
അത്തിപ്പൊറ്റ പാലം വഴി തോണിപ്പാടം റൂട്ടിൽ സഞ്ചരിച്ചു കാരമലയിലെത്താം. കാരമലയുടെ ചുറ്റും മലകളാണ്.
മാട്ടുമലയുടെ സൗന്ദര്യക്കാഴ്ചകളും ആസ്വദിക്കാം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
