അതിതീവ്രമഴ നാളെയും മറ്റന്നാളും മലപ്പുറം ജില്ലയിൽ റെഡ് അലർട്ട്

മലപ്പുറം∙ അതിതീവ്രമഴ കണക്കിലെടുത്ത് നാളെയും മറ്റന്നാളും കേന്ദ്ര കാലാവസ്ഥാ വകുപ്പ് ജില്ലയിൽ റെഡ് അലർട്ട് പ്രഖ്യാപിച്ചു. 24 മണിക്കൂറിൽ 204.4 മില്ലിമീറ്ററിൽ കൂടുതലുള്ള മഴയുണ്ടാകുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് ജില്ലയിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളിൽ അതിശക്തമായ മഴ ലഭിക്കും.

24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ മഴയ്ക്കുള്ള സാധ്യതയുണ്ട്. നിലമ്പൂരിലെ ആഢ്യൻപാറ വെള്ളച്ചാട്ടം, കരുവാരകുണ്ടിലെ കേരളാംകുണ്ട് വെള്ളച്ചാട്ടം എന്നീ വിനോദസഞ്ചാര കേന്ദ്രങ്ങൾ ഓറഞ്ച്, റെഡ് അലർട്ട് കഴിയുന്നതു വരെ അടച്ചിടും. തീരദേശ, പുഴയോര വിനോദസഞ്ചാര കേന്ദ്രങ്ങളിലും അപകട സാധ്യതയുള്ള മറ്റ് പാർക്കുകളിലും ജാഗ്രതാ നിർദേശം നൽകിയിട്ടുണ്ട്.