തൊട്ടിൽപാലം∙ ആത്മീയ ചികിത്സയുടെ പേരിൽ കോടികളുടെ തട്ടിപ്പ് നടത്തിയെന്ന പരാതിയിൽ 3 പേർ അറസ്റ്റിൽ. തളീക്കര മണിയിലംകണ്ടി മുഹമ്മദ് ആദിലിന്റെ 2 കോടി രൂപയോളം തട്ടിയെടുത്തെന്ന പരാതിയിലാണ് മലപ്പുറം കോഡൂർ പി.സി.എച്ച്.ഷംസുദ്ദീൻ, മന്നേങ്കൽ വട്ടപ്പറമ്പ് മുഹമ്മദ് ബഷീർ, വളയം പടിഞ്ഞാറയിൽ റഫീഖ് എന്നിവരെ തൊട്ടിൽപാലം പൊലീസ് അറസ്റ്റ് ചെയ്തത്.
ചികിത്സയുടെ പേരിലുള്ള ആത്മീയ ചൂഷണത്തിലൂടെ പ്രതികൾ ആദിലിൽ നിന്ന് പണം ആവശ്യപ്പെടുകയും തിരിച്ചു നൽകാമെന്ന് വിശ്വസിപ്പിച്ച് പലതവണയായി നേരിട്ടും ബാങ്ക് അക്കൗണ്ട് വഴിയും 2 കോടിയോളം രൂപ കൈക്കലാക്കിയെന്നാണു പരാതി.
പ്രതികൾക്കെതിരെ പാനൂർ പൊലീസ് സ്റ്റേഷനിലും തൊട്ടിൽപാലം പൊലീസ് സ്റ്റേഷനിലും വേറെയും പരാതികളുണ്ട്. കോടതി ഉത്തരവുപ്രകാരം ഉപാധികളോടെ ജാമ്യം അനുവദിച്ചതായി എസ്ഐ നൗഷാദ് പറഞ്ഞു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
