കോടഞ്ചേരിയിൽ വിവിധ പദ്ധതികൾ ഉദ്ഘാടനം ചെയ്ത് പ്രിയങ്ക; പ്രസംഗത്തിൽ നിറയെ രാജീവോർമ

കോഴിക്കോട് ∙ കോടഞ്ചേരി ഗ്രാമപഞ്ചായത്ത് ഭരണസമിതിയുടെ നേതൃത്വത്തിൽ 1.17 കോടി രൂപ മുതൽ മുടക്കിൽ ഗ്രാമസഭ ഉൾപ്പെടെയുളള യോഗങ്ങൾ  സംഘടിപ്പിക്കാൻ ഗ്രാമപഞ്ചായത്ത് ആസ്ഥാന മന്ദിരത്തിൽ ലിഫ്റ്റ് സൗകര്യങ്ങളോടെ 400 പേർക്ക് ഇരിക്കാൻ സൗകര്യം ഉള്ള രാജീവ് ഗാന്ധി ഓഡിറ്റോറിയം നിർമാണം പൂർത്തീകരിച്ചതിന്റെ ഉദ്ഘാടനം വയനാട് എംപി പ്രിയങ്ക ഗാന്ധി നിർവഹിച്ചു. മുൻ പ്രധാനമന്ത്രി രാജീവ് ഗാന്ധി വിഭാവനം ചെയ്ത പഞ്ചായത്ത് രാജ് സംവിധാനം താഴെത്തട്ടിലുള്ള ജനങ്ങൾക്ക് വളരെയധികം ഉപകാരപ്രദമായതിന്റെ പ്രതിഫലനം ത്രിതല പഞ്ചായത്തുകളുടെ പ്രവർത്തനം നേരിൽ കാണുമ്പോൾ ഓർമകളിൽ നിറയുന്നതായി അവർ പറഞ്ഞു. 
ഡെസ്റ്റിനേഷൻ ചാലഞ്ചിൽ ഉൾപ്പെടുത്തി ടൂറിസം വകുപ്പിന്റെ 50 ലക്ഷം രൂപ ധനസഹായത്തോടെ രണ്ടു കോടി രൂപ മുതൽമുടക്കിൽ നിർമ്മിക്കുന്ന പതങ്കയം  തൂക്കുപാലത്തിന്റെയും ‘ടേക്ക് എ ബ്രേക്ക്’ കംഫർട്ട് സ്റ്റേഷന്റെ പ്രവർത്തി ഉദ്ഘാടനവും ഭിന്നശേഷിക്കാരായ കുട്ടികൾക്ക് വേണ്ടി  രാഹുൽ ഗാന്ധി എംപിയുടെ എംപി ഫണ്ടിൽ നിന്നും അനുവദിച്ച 55 ലക്ഷം രൂപയും ഗ്രാമപഞ്ചായത്ത് വിഹിതമായി 10 ലക്ഷം രൂപയടക്കം 65 ലക്ഷം രൂപ മുതൽ മുടക്കി നിർമ്മാണം പൂർത്തീകരിച്ച സിഡിഎംസി ബിൽഡിങ്ങിന്റെ ഇതോടൊപ്പം പ്രിയങ്ക നിർവഹിച്ചു.

വികസന പ്രവർത്തനങ്ങളുടെയും ക്ഷേമ പ്രവർത്തനങ്ങളുടെയും  ഗുണഫലങ്ങൾ സാധാരണക്കാരിൽ നേരിട്ട് എത്തിക്കാൻ ത്രിതല  പഞ്ചായത്ത് സംവിധാനത്തിന് കഴിഞ്ഞു. കോടഞ്ചേരി ഗ്രാമപഞ്ചായത്ത് കഴിഞ്ഞ അഞ്ചുവർഷം നടത്തിയ സേവന വികസന പ്രവർത്തനങ്ങൾ പഞ്ചായത്തുകൾക്ക് മാതൃകയാണ്.

ജനോപകാരപ്രദമായ ഇത്തരം സേവന പ്രവർത്തനങ്ങളിൽ എല്ലാ സഹായസഹകരണങ്ങളും അവർ വാഗ്ദാനം ചെയ്തു. ഗ്രാമപഞ്ചായത്ത് പ്രസിഡന്റ് അലക്സ് തോമസ് ചെമ്പകശ്ശേരി അധ്യക്ഷത വഹിച്ച യോഗത്തിൽ കൊടുവള്ളി ബ്ലോക്ക് പഞ്ചായത്ത് വൈസ് പ്രസിഡന്റ് ജോബി ജോസഫ്, ഗ്രാമപഞ്ചായത്ത് വൈസ് പ്രസിഡന്റ് ജമീലാ അസീസ്, ജില്ലാ പഞ്ചായത്ത് അംഗങ്ങളായ ബോസ് ജേക്കബ്, അംബികാ മംഗലത്ത്, ബ്ലോക്ക് അംഗങ്ങളായ റോയി കുന്നപ്പള്ളി, ബുഷ്റ ഷാഫി, ഗ്രാമപഞ്ചായത്ത് അംഗങ്ങളായ ലിസി ചാക്കോ, വാസുദേവൻ ഞാറ്റുകാലായിൽ, ലീലാമ്മ കണ്ടത്തിൽ, ജോബി ഇലന്തൂർ, വിൻസന്റ് വടക്കേമുറിയിൽ, കെ.എം.

പൗലോസ്, സണ്ണി കാപ്പാട്ട് മല, കെ.എം. ബഷീർ, സി.ജെ.

ടെന്നീസൺ, ഗ്രാമപഞ്ചായത്ത് സെക്രട്ടറി കെ.സീനത്ത്, പിഎച്ച്സിയിലെ മെഡിക്കൽ ഓഫിസർ ഡോ. ഹസീന എന്നിവർ പ്രസംഗിച്ചു.

… FacebookTwitterWhatsAppTelegram