കോഴിക്കോട് ∙ പ്രായപൂർത്തിയാകാത്ത വിദ്യാർഥിനിക്കെതിരെ ലൈംഗികാതിക്രമം നടത്തിയ യുവാവ് അറസ്റ്റിൽ. കണ്ണൂർ മമ്പറം സ്വദേശി കെ.വി ഹൗസിൽ മുഹമ്മദ് ഫാരിസ് മാമന്നൂരിനെ (24) ആണ് നടക്കാവ് പൊലീസ് പോക്സോ നിയമപ്രകാരം അറസ്റ്റ് ചെയ്തത്.
ചേളന്നൂർ സ്വദേശിനിയായ വിദ്യാർഥിനി പ്ലസ്ടുവിന് പഠിക്കുന്ന കാലയളവിൽ പരിചയക്കാരനായ പ്രതി കാറിൽ കയറ്റി ഭട്ട് റോഡ് ബീച്ച് ഭാഗത്തേക്ക് കൊണ്ട് പോയി ലൈംഗിക അതിക്രമത്തിന് ഇരയാക്കുകയായിരുന്നു.
വിദ്യാർഥിനി പ്രായപൂർത്തിയായ ശേഷവും എറണാകുളത്തും ബെംഗളൂരുവിലും വച്ച് ലൈംഗികമായി പീഡിപ്പിക്കുകയും വിദ്യാർഥിനിയുടെ സ്വർണമാല കൈക്കലാക്കി തിരികെ നൽകാതെ സ്വകാര്യ ചിത്രങ്ങൾ പുറത്തുവിടുമെന്നു ഭീഷണിപ്പെടുത്തുകയും ചെയ്തു. വിദ്യാർഥിനി നൽകിയ പരാതിയിൽ നടക്കാവ് പൊലീസ് കേസ് റജിസ്റ്റർ ചെയ്യുകയും പ്രതിയെ നടക്കാവ് സ്റ്റേഷൻ ഇൻസ്പെക്ടർ പ്രജീഷിന്റെ നിർദേശപ്രകാരം സബ് ഇൻസ്പെക്ടർ ജാക്സൺ ജോയ്, സിപിഒമാരായ പ്രസാദ്, മിഥുൻ രാജ് എന്നിവരടങ്ങുന്ന അന്വേഷണസംഘം ബെംഗളൂരുവിൽ നിന്നും കസ്റ്റഡിയിലെടുക്കുകയായിരുന്നു.
അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
