ഗർഭിണിയെ ഇസ്തിരിപ്പെട്ടി ഉപയോഗിച്ചു ദേഹമാസകലം പൊള്ളിച്ചു; ഓടി രക്ഷപ്പെട്ട് യുവതി

കോടഞ്ചേരി ∙ ഓമശ്ശേരി പെരില്ലിയിൽ യുവതിയെ ഇസ്തിരിപ്പെട്ടി ഉപയോഗിച്ച് ദേഹമാസകലം പൊള്ളിച്ചതായി പരാതി. ഗർഭിണിയായ യുവതിയെ 4 ദിവസമായി വീട്ടിൽ അടച്ചിട്ടിരിക്കുകയായിരുന്നു. ഒരു വർഷമായി പെരില്ലി സ്വദേശിയായ ഷാഹിദ് റഹ്മാന്റെ കൂടെയാണ് പൊള്ളലേറ്റ  കൊണ്ടോട്ടി സ്വദേശിനി ഹന്നത്ത് (25) താമസിക്കുന്നത്. 
ഷാഹിദ് റഹ്മാൻ‍ യുവതിയെ  പൊള്ളിച്ചെന്നാണ് പരാതി.

താമരശ്ശേരി ഗവ.താലൂക്ക് ആശുപത്രിയിൽ പ്രവേശിപ്പിച്ച യുവതിയെ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി. ഷാഹിദ് റഹ്മാൻ വീട്ടിൽ നിന്ന് പുറത്ത് പോയ അവസരത്തിൽ വാതിൽ തുറന്ന് പുറത്തേക്കു ഓടി സമീപവാസികളുടെ സഹായത്തോടെയാണ് താലൂക്ക് ആശുപത്രിയിൽ യുവതി എത്തിയതെന്ന് പൊലീസ് പറഞ്ഞു.

… FacebookTwitterWhatsAppTelegram