കോഴിക്കോട്∙ കൂത്തുപറമ്പിൽ നിന്നു കാണാതായ യുവാവിനെ എരഞ്ഞിപ്പാലത്ത് ലോഡ്ജിൽ ആത്മഹത്യാ ശ്രമത്തിനിടയിൽ പൊലീസ് രക്ഷപ്പെടുത്തി. ഇന്നലെ പുലർച്ചെ രണ്ടോടെയാണ് സംഭവം.
യുവാവിനെ കാണാതായതായി ബന്ധുക്കൾ കൂത്തുപറമ്പ് പൊലീസിൽ പരാതി നൽകിയിരുന്നു. യുവാവ് കോഴിക്കോട് എത്തിയതായി സിറ്റി പൊലീസ് കമ്മിഷണർക്കു വിവരം ലഭിച്ചു.
പരിശോധനയിൽ എരഞ്ഞിപ്പാലം പരിസരത്ത് യുവാവ് ഉള്ളതായി വിവരം ലഭിച്ചു.
പൊലീസ് എരഞ്ഞിപ്പാലത്തെ ലോഡ്ജുകളിൽ പരിശോധന നടത്തി കണ്ടെത്തി. പൊലീസ് മുറി തുറക്കാൻ ശ്രമിച്ചെങ്കിലും യുവാവ് തുറന്നില്ല.
പൊലീസ് വാതിലിന് ഇടയിൽ കൂടി നോക്കുമ്പോൾ ഫാനിൽ മുണ്ടുകെട്ടുകയായിരുന്നു യുവാവ്. പൊലീസ് വാതിൽ ചവിട്ടിത്തുറന്നു യുവാവിനെ പിടികൂടി.
പുലർച്ചെ 4ന് കൂത്തുപറമ്പ് പൊലീസും യുവാവിന്റെ ബന്ധുക്കളും നടക്കാവ് സ്റ്റേഷനിൽ എത്തി യുവാവിനെ കൊണ്ടുപോയി. നടക്കാവ് സ്റ്റേഷനിലെ എഎസ്ഐ സുനീഷ്, എസ്സിപിഒ എൻ.നിഷോഭ്, സിപിഒ മുഹമ്മദ് ജിഷാദ് എന്നിവർ അന്വേഷണത്തിൽ പങ്കെടുത്തു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
