കോഴിക്കോട് ∙ സിറ്റിയുടെ പല ഭാഗങ്ങളിലും എംഡിഎംഎ എത്തിച്ച് ചില്ലറ വിൽപന നടത്തുന്ന യുവാവിനെ ഫറോക്ക് പൊലീസ് പിടികൂടി. പൊക്കുന്ന് എടശ്ശേരി താഴം സ്വദേശി റാഹിൽ നിവാസിൽ മുഹമ്മദ് റാഹിൽ (25) ആണ് പിടിയിലായത്.
മേയ് 20ന് രാത്രി രാമനാട്ടുകര ഫ്ലൈ ഓവർ ജംക്‌ഷനിൽ വച്ച് കാറിൽ വിൽപനയ്ക്കായി കടത്തിയ 0.298 ഗ്രാം എംഡിഎംഎയുമായി മുഹമ്മദ് നവാസ്, ഇംതിഹാസ് എന്നിവർ പിടിയിലായിരുന്നു. ഇവരെ ചോദ്യം ചെയ്തതിൽ നിന്നാണ് കൂട്ടു പ്രതിയായ റാഹിലിനെ കുറിച്ച് വിവരം ലഭിച്ചത്.
കുളങ്ങരപീടികയിൽ വച്ച് ഫറോക്ക് പൊലീസ് ഇൻസ്പെക്ടർ ശ്രീജിത്ത്, എസ്‌സിപിഒ അഷ്റഫ്, സിപിഒ ദിലീപ് എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.
കോഴിക്കോട് നഗരത്തിലെ മാങ്കാവ്, മീഞ്ചന്ത, പന്തീരാങ്കാവ് എന്നിവിടങ്ങളിലെ സ്കൂൾ, കോളജ് വിദ്യാർഥികൾക്കിടയിലും യുവാക്കൾക്കിടയിലുമാണ് പ്രതി ലഹരിമരുന്ന് വിൽപന നടത്തിയിരുന്നതെന്നു പൊലീസ് പറഞ്ഞു. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
