കോഴിക്കോട് ∙ മടവൂരിലെ ലോഡ്ജിൽ നിന്നും ലാപ്ടോപ്പും പണവും മോഷ്ടിച്ചയാൾ പിടിയിൽ. ചെറുപ്പളശ്ശേരി പാറക്കുടി വീട്ടിൽ നിസാമുദ്ദീനെ (30) ആണ് കുന്ദമംഗലം പൊലീസ് പിടികൂടിയത്.
മേയ് 21 ന് മടവൂരിലുള്ള വിഎംഎസ് ലോഡ്ജിൽ വാടകയ്ക്ക് താമസിക്കുകയായിരുന്ന നിലമ്പൂർ സ്വദേശി പ്രശാന്തിന്റെ മുറിയിൽ നിന്നും ലാപ്ടോപ്പും ട്രാവലിങ് ബാഗും 3,500 രൂപയും മോഷണം പോകുകയായിരുന്നു. പ്രശാന്തിന്റെ പരാതിയിൽ കുന്ദമംഗലം പൊലീസ് കേസ് റജിസ്റ്റർ ചെയ്തു.
അന്വേഷണത്തിൽ ലോഡ്‌ജിലെ ക്ലീനിങ് സ്റ്റാഫ് ആയ പ്രതിയാണ് മോഷണം നടത്തിയതെന്ന് കണ്ടെത്തി.
തുടർന്ന് ചെർപ്പുളശ്ശേരിയിൽ നിന്ന് പ്രതിയെ കസ്റ്റഡിയിലെടുക്കുകയായിരുന്നു. ഇയാൾ സമാനമായ മറ്റ് മോഷണം നടത്തിയിട്ടുണ്ടോ എന്ന് പരിശോധിക്കുകയാണെന്ന് പൊലീസ് പറഞ്ഞു.
കുന്ദമംഗലം സ്റ്റേഷൻ സബ് ഇൻസ്പെക്ടർമാരായ നിധിൻ, ബാലകൃഷ്ണൻ എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
