ഹോൺ മുഴക്കി, അമിത വേഗത്തിൽ വന്ന് എസ്പിയുടെ വാഹനത്തിൽ ബസ് ഇടിച്ചു; ദൃശ്യങ്ങൾ തെളിവ്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കോഴിക്കോട് ∙ വിജിലൻസ് സ്പെഷൽ സെൽ എസ്പിയുടെ വാഹനത്തിൽ ബസ് ഇടിച്ച സംഭവത്തിൽ പൊലീസ് ബസിലെ സിസിടിവി പരിശോധിച്ചു. എസ്പിയുടെ വാഹനത്തിനു പിന്നിൽ വരുന്ന സ്വകാര്യ ബസിന്റെ അമിത വേഗവും നിരന്തരം ഹോൺ മുഴക്കുന്നതും ദൃശ്യത്തിലുണ്ട്. പൊലീസ് വാഹനം വേഗം കുറച്ച സമയം വീണ്ടും ബസ് ഹോൺ മുഴക്കി. തുടർന്നു കാർ നിർത്തി. ഈ സമയം ബസ് കാറിനു പിന്നിൽ ഇടിക്കുന്നത് ദൃശ്യത്തിലുണ്ട്. സംഭവത്തിൽ ബസ് ഡ്രൈവർ കുന്നമംഗലം പിലാശ്ശേരി സ്വദേശി ടി.രജീഷിനെതിരെ പൊലീസ് കേസെടുത്തിട്ടുണ്ട്.
അപകടം വരുത്തിയ കൂമ്പാറ – കോഴിക്കോട് റൂട്ടിൽ സർവീസ് നടത്തുന്ന പ്രയാഗ് ബസ് പൊലീസ് കസ്റ്റഡിയിലാണ്. ഡ്രൈവറെ ചോദ്യം ചെയ്യാൻ വിളിച്ചെങ്കിലും മുങ്ങുകയായിരുന്നു എന്നു മെഡിക്കൽ കോളജ് പൊലീസ് പറഞ്ഞു. തിങ്കളാഴ്ച രാവിലെ 10.50ന് ആണു തൊണ്ടയാട് ബൈപാസ് ജംക്‌ഷനു സമീപം വിജിലൻസ് സ്പെഷൽ സെൽ എസ്പി കെ.പി.അബ്ദുൽ റസാഖിന്റെ വാഹനത്തിൽ ബസ് ഇടിച്ചത്.
