എലത്തൂർ∙ കോഴിക്കോട് ഭാഗത്തേക്ക് വന്ന കണ്ണൂർ –എറണാകുളം ഇന്റർസിറ്റി ട്രെയിനിലെ കംപാർട്മെന്റിൽ പുക ഉയർന്നത് പരിഭ്രാന്തി പരത്തി. ചേമഞ്ചേരി റെയിൽവേ സ്റ്റേഷനു സമീപം എത്തിയപ്പോഴാണ് സംഭവം.
യാത്രക്കാരൻ ചങ്ങല വലിച്ച് ട്രെയിൻ നിർത്തിയതോടെ യാത്രക്കാർ പുറത്തിറങ്ങി. റെയിൽവേ ജീവനക്കാർ എൻജിന് സമീപം പരിശോധന നടത്തിയെങ്കിലും ഒന്നും കണ്ടെത്താനായില്ല.
15 മിനിറ്റോളം ചേമഞ്ചേരി റെയിൽവേ സ്റ്റേഷന് സമീപം ട്രെയിൻ നിർത്തി.
തുടർന്നു എലത്തൂർ ലെവൽ ക്രോസിൽ എത്തിയപ്പോൾ വീണ്ടും പുക ഉയർന്നതോടെ ട്രെയിൻ വീണ്ടും നിർത്തി പരിശോധന നടത്തി. ഇന്റർസിറ്റി ട്രെയിനിന് മുൻപ് മെറ്റലുമായി പോയ ഗുഡ്സ് ട്രെയിനിൽ നിന്നു പുകയും പൊടിയും പിന്നാലെ വന്ന ഇന്റർസിറ്റിയുടെ കംപാർട്മെന്റുകളിൽ എത്തിയതാണെന്നു പരിശോധനയിൽ വ്യക്തമായി.
ആശങ്കയെ തുടർന്ന് ചേമഞ്ചേരിയിലും എലത്തൂരിലും 20 മിനിറ്റാണ് ഇന്റർസിറ്റി നിർത്തിയിട്ടത്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
