കോഴിക്കോട് ∙ മൊയ്തീൻ പള്ളിക്ക് സമീപം ചെമ്മങ്ങാട് പൊലീസ് ഇൻസ്പെക്ടറെ ആക്രമിച്ച സംഭവത്തിൽ മൂന്നു പേർ പിടിയിൽ. ബേപ്പൂർ സ്വദേശികളായ നടുവട്ടം ബൈത്തുൽ മിഷാൽ വീട്ടിൽ മിഷാൽ (25), നടുവട്ടം പിണ്ണാണത്ത് ലൈനിൽ സഫർനാസ് (24), ബിസി റോഡ് സ്രാംബിക്കൽ അബ്ദുല്ല (25) എന്നിവരെയാണ് ടൗൺ പൊലീസ് കസ്റ്റഡിയിലെടുത്തത്.
ചൊവ്വാഴ്ച പുലർച്ചെ മൊയ്തീൻ പള്ളിക്ക് മുൻവശത്ത് വച്ചാണ് സംഭവം.
നൈറ്റ് ഡ്യൂട്ടിയിലായിരുന്ന ഇൻസ്പെക്ടറെ പ്രതികൾ തടഞ്ഞ് വച്ച് ആക്രമിക്കുകയും പൊലീസ് വാഹനത്തിന്റെ ബോണറ്റിൽ അടിക്കുകയും ‘പൊലീസുകാരെ ശരിയാക്കി തരാം’ എന്നു പറഞ്ഞ് അസഭ്യം പറയുകയും ഭീഷണിപ്പെടുത്തുകയുമായിരുന്നു.
ടൗൺ പൊലീസ് സ്റ്റേഷൻ സബ് ഇൻസ്പെക്ടർ സജി ഷിനോബ്, സിപിഒമാരായ അനൂപ്, അനു പ്രിയ എന്നിവർ ചേർന്നാണ് പ്രതികളെ കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയ ശേഷം പ്രതികളെ കോടതിയിൽ ഹാജരാക്കി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
