കുരങ്ങും മലയാണ്ണാനും: ഒറ്റക്കണ്ടം പ്രദേശത്ത് കൃഷിനാശം രൂക്ഷം

പേരാമ്പ്ര ∙ പന്തിരിക്കര ഒറ്റക്കണ്ടം പ്രദേശത്ത് കുരങ്ങുശല്യം. കുരങ്ങും മലയാണ്ണാനും ചേർന്നാണ് കൃഷി പൂർണമായി നശിപ്പിക്കുന്നത്. തെങ്ങിലുള്ള തേങ്ങയും കരിക്കും പൂർണമായി പറിച്ച് താഴെയിടുകയാണ്.

ചില കരിക്കിലെ വെള്ളം കുടിക്കുകയും ചെയ്യുന്നുണ്ട്. പ്രദേശത്തെ ഒരു തെങ്ങിലും കരിക്ക് കാണാത്ത അവസ്ഥയായിട്ടുണ്ട്. 
തെങ്ങിൽ കുരങ്ങനെ കണ്ട് ഓടിക്കാൻ ശ്രമിച്ചാൽ കരിക്ക് പറിച്ച് എറിയും.

കുരങ്ങന്റെ ആക്രമണം കാരണം ഭയത്തോടെയാണ് നാട്ടുകാർ കഴിയുന്നത്. ഒറ്റക്കണ്ടം പള്ളിയിലെ തെങ്ങിലെ തേങ്ങ പൂർണമായി പറിച്ചു കഴി‍ഞ്ഞു. പുത്തൻ പുരയിൽ സന്തോഷ്, പുല്ലാട്ട് റോബി, പുരയിടത്തിൽ മാണിക്കുട്ടി, പുല്ലാട്ട് ജോസ്, പുല്ലാട്ട് മാണിക്കുട്ടി തുടങ്ങി നിരവധി കർഷകരുടെ കൃഷി ഫലങ്ങളാണ് നശിപ്പിക്കുന്നത്. സംഭവം കർഷകർ വനം വകുപ്പിനെ അറിയിച്ചിട്ടും നടപടി ഉണ്ടായിട്ടില്ലെന്നു നാട്ടുകാർ പറയുന്നു.

…