സ്കൂളുകളിലെ അധ്യാപക ഒഴിവുകൾ നികത്തുന്നില്ല; ഓൺലൈനായി അപേക്ഷിച്ച അധ്യാപകർക്കു സ്ഥലംമാറ്റം കൊടുക്കുന്നില്ല

കോഴിക്കോട് ∙ ജില്ലയിൽ ഓൺലൈനായി അപേക്ഷിച്ച ചില അധ്യാപകർക്കു സ്ഥലംമാറ്റം കൊടുക്കാതെ ചില സ്കൂളുകളിലെ ഒഴിവുകൾ ഒഴിച്ചിട്ടതായി ആരോപണം. വിദ്യാഭ്യാസ ഉപഡയറക്ടറുടെ ഓഫിസ് കേന്ദ്രീകരിച്ച് സർക്കാർ പ്രൈമറി, ഹൈസ്കൂൾ അധ്യാപകരുടെ ജില്ലാന്തര ഓൺലൈൻ സ്ഥലംമാറ്റം അട്ടിമറിക്കുന്നതിനെതിരെ പ്രതിഷേധവുമായി പ്രതിപക്ഷ അധ്യാപക സംഘടന. 
എല്ലാവർഷവും പൊതുവിദ്യാഭ്യാസ വകുപ്പ് പൊതു സ്ഥലംമാറ്റത്തിന് അപേക്ഷ ക്ഷണിക്കുകയും മാനദണ്ഡങ്ങളുടെ അടിസ്ഥാനത്തിൽ സീനിയോറിറ്റി ലിസ്റ്റ് പ്രസിദ്ധീകരിക്കുകയും ചെയ്യും.

പരാതികൾ പരിഹരിച്ച് തയ്യാറാക്കുന്ന പട്ടികയിൽ നിന്നാണു സ്ഥലംമാറ്റം. ജൂൺ ആദ്യവാരം ഈ പട്ടികയിൽ നിന്ന് കുറച്ച് പേർക്ക് ട്രാൻസ്ഫർ നൽകി.

എന്നാൽ, ചില സ്കൂളുകളിലെ ഒഴിവുകൾ മനഃപൂർവം നികത്താതെയിട്ടു. തുടർന്ന് ഈ സ്കൂളുകളിലേക്ക് തയാറാക്കിയ സീനിയോറിറ്റി പട്ടികയിൽ ഉൾപ്പെട്ട

അധ്യാപകർ വിദ്യാഭ്യാസ ഉപഡയറക്റ്ററുടെ ഓഫിസിൽ പരാതി നൽകി.
എന്നാൽ, വകുപ്പ് കൈകാര്യം ചെയ്യുന്ന പാർട്ടിയുടെയും ഭരണപക്ഷ അധ്യാപകസംഘടനയുടെയും സമ്മർദ്ദങ്ങളെത്തുടർന്ന് സീനിയോറിറ്റി പട്ടികയിൽ ഉൾപ്പെടാത്ത അധ്യാപകർക്ക് സ്ഥലംമാറ്റ ഉത്തരവ് രണ്ട് തവണ പുറപ്പെടുവിച്ചുവെന്നാണ് അധ്യാപക സംഘടനകളുടെ ആരോപണം. ‘ഭരണപരമായ സൗകര്യാർഥം’ എന്ന പേരിലാണ് ഉത്തരവ്.
ഈ വർഷത്തിലെ തസ്തിക നിർണയ പ്രകാരം തസ്തിക നഷ്ടപ്പെട്ട

അധ്യാപകർ ത്രിശങ്കുവിൽ നിൽക്കുമ്പോഴാണ് ഇത്തരം സ്ഥലം മാറ്റം. ജില്ലാ വിദ്യാഭ്യാസ ഉപഡയറക്ടറുടെ ഓഫിസിൽ ഇത്തരം അട്ടിമറി തുടർക്കഥയാണെന്ന് ആരോപണം ഉയർന്നിട്ടുണ്ട്.

കഴിഞ്ഞ വർഷം ആദ്യം ഇറക്കിയ പൊതു സ്ഥലം മാറ്റ ഉത്തരവിൽ ഉൾപ്പെടാത്തവരെ പിന്നീട് തിരുകിക്കയറ്റിയിരുന്നു. ഡിഡിഇ ഒപ്പിട്ട

പട്ടികയിൽ വെട്ടിത്തിരുത്തിയ സംഭവം വിവാദമായിരുന്നു.
മേലധികാരികളെ നോക്കുകുത്തികളാക്കി അട്ടിമറി: കെപിഎസ്ടിഎ
വിദ്യാഭ്യാസ ഉപഡയറക്ടറെയും ബന്ധപ്പെട്ട സെക്‌ഷൻ ക്ലർക്കുമാരെയും നോക്കുകുത്തികളാക്കിയാണ് ചിലർ ഓൺലൈൻ സ്ഥലംമാറ്റം അട്ടിമറിക്കുന്നതെന്ന് കെപിഎസ്ടിഎ ജില്ലാ കമ്മിറ്റി പറഞ്ഞു.

ജില്ലാ പ്രസിഡന്റ് ടി.ടി.ബിനു അധ്യക്ഷനായിരുന്നു. സംസ്ഥാന ജനറൽ സെക്രട്ടറി പി.കെ.അരവിന്ദൻ, സംസ്ഥാന സെക്രട്ടറിമാരായ പി.എം.ശ്രീജിത്ത്, ടി.ആബിദ്, ജില്ലാ സെക്രട്ടറി ഇ.കെ.സുരേഷ്, എം.കൃഷ്ണമണി, ടി.അശോക്‌കുമാർ, സജീവൻ കുഞ്ഞോത്ത്, പി.രാമചന്ദ്രൻ, ഷാജു പി.

കൃഷ്ണൻ, ടി.ടി. പ്രവീൺ, പി.കെ.

രാധാകൃഷ്ണൻ, കെ.എം.സുജേഷ്, കെ.പി.മനോജ് കുമാർ എന്നിവർ പ്രസംഗിച്ചു. …