കടലാക്രമണം: കുരിയാടിയിൽ റോഡുകൾ തകർന്നു

വടകര∙ കുരിയാടിയിൽ കടൽ കയറി റോഡുകൾ തകരുന്നു. സമീപത്തെ ഫിഷ് ലാൻഡിങ് സെന്റർ അപകട

ഭീഷണിയിലായി. നഗരസഭയുടെയും ചോറോട് പഞ്ചായത്തിന്റെയും അതിർത്തി പങ്കിടുന്ന പ്രദേശമാണിത്. കടലിനോട് ചേർന്ന കുറുംബ ഭഗവതി ക്ഷേത്രം, ചോറോട്, ആവിക്കൽ എന്നിവിടങ്ങളുമായി ബന്ധിപ്പിക്കുന്ന റോഡാണ് നശിക്കുന്നത്.ഫിഷ് ലാൻഡിങ് സെന്ററിന്റെ വടക്ക് ഭാഗത്ത് നേരത്തേ  കെട്ടിയിരുന്ന ഭിത്തി ശക്തമായ കടലാക്രമണത്തിൽ  താഴ്ന്നു പോയി.

സമീപത്തെ റോഡും വൈദ്യുത പോസ്റ്റുകളും അപകട ഭീഷണിയിലാണ്.
ഈ ഭാഗത്ത് ഭിത്തി കെട്ടാ‍ൻ ഫണ്ട് അനുവദിച്ചിട്ടുണ്ടെങ്കിലും പണി തുടങ്ങിയിട്ടില്ല.തെക്ക് ഭാഗത്ത് റോഡ് ഒലിച്ചു പോയ ഭാഗം സംരക്ഷിക്കാനായിട്ടില്ല.

ഇനിയും കടൽ കയറിയാൽ റോഡിന്റെ ബാക്കിയും തകരും. ഇവിടെ വൈദ്യുത പോസ്റ്റ് നേരത്തേ മാറ്റിയിരുന്നു.

ബാക്കി പോസ്റ്റുകളും അപകടത്തിലാണ്. ഫിഷ് ലാൻഡിങ് സെന്ററിനോട് ചേർന്ന ഭാഗം മണൽ ഒലിച്ചു പോയ നിലയിലാണ്.

ഇത് കെട്ടിടത്തിന്റെ സുരക്ഷയെ  ബാധിക്കും. …