കോഴിക്കോട്∙ സിറ്റി പൊലീസ് ആസ്ഥാനത്തെ ട്രാഫിക് പൊലീസ് സ്റ്റേഷൻ പൊളിച്ചു മാറ്റുന്നതിനിടെ മഴയെ തുടർന്നു തകർന്നു വീണു. തിരുവോണ ദിനത്തിൽ വൈകിട്ടാണ് തകർന്നത്.
9 മാസം മുൻപാണ് കെട്ടിടത്തിൽ നിന്നു ട്രാഫിക് പൊലീസ് സ്റ്റേഷനും അനുബന്ധ ഓഫിസുകളും മാറ്റിയത്. തുടർന്ന് 2 നില കെട്ടിടം പൊളിക്കാൻ കരാർ നൽകിയതായിരുന്നു.
10 ദിവസം മുൻപാണ് പൊളിക്കാൻ തുടങ്ങിയത്. സംഭവ ദിവസം രാവിലെ മഴ പെയ്തിരുന്നു.
വൈകിട്ട് ഒരു ഭാഗം പൂർണമായും തകർന്നു നിലം പതിച്ചു.
അവധി ആയതിനാൽ തൊഴിലാളികൾ ഉണ്ടായിരുന്നില്ല. പൊലീസുകാർ ഈ കെട്ടിടത്തിനു സമീപത്താണ് ഇരു ചക്രവാഹനങ്ങൾ നിർത്തുന്നത്.
ഇന്നലെ മണ്ണുമാന്തി യന്ത്രം എത്തിച്ചു തകർന്ന കെട്ടിട അവശിഷ്ടങ്ങൾ മാറ്റി.
വാഹനങ്ങൾക്കൊന്നും കേടുപാടുകൾ ഇല്ല. പഴയ കെട്ടിടം പൊളിച്ച് സിറ്റി ട്രാഫിക് പൊലീസ്, വനിത സെൽ, ട്രാഫിക് എൻഫോഴ്സ്മെന്റ് തുടങ്ങിയ ഓഫിസുകൾ ഒരു കുടക്കീഴിൽ സ്ഥാപിക്കാൻ ഇവിടെ 4 നിലയിൽ കെട്ടിടം നിർമിക്കാൻ പദ്ധതി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
