കോഴിക്കോട് ∙ ദേശീയ തലത്തിലുള്ള മാസ്റ്റേഴ്‌സ് പവർലിഫ്റ്റിങ് മത്സരങ്ങളിൽ മികവ് പുലർത്തിയ തെലങ്കാന അത്‌ലറ്റുകളുടെ നഷ്ടപ്പെട്ട മെഡലുകൾ കണ്ടെത്തി നൽകി കോഴിക്കോട് ടൗൺ പൊലീസ്.
കോഴിക്കോട് വി.കെ. കൃഷ്ണ മേനോൻ ഇൻഡോർ സ്റ്റേഡിയത്തിൽ നടന്ന ദേശീയ മാസ്റ്റേഴ്‌സ് പവർലിഫ്റ്റിങ് മത്സരത്തിൽ പങ്കെടുത്ത അത്‌ലറ്റുകൾ മത്സരശേഷം റൂമിലേക്ക് യാത്ര ചെയ്ത ഓട്ടോയിൽ സ്വർണ്ണ മെഡലുകൾ അടങ്ങിയ ബാഗ് മറന്നുവയ്ക്കുകയായിരുന്നു.
ബാഗ് കാണാതായെന്ന് മനസ്സിലായതോടെ ടൗൺ പൊലീസ് സ്റ്റേഷനിൽ പരാതി നൽകി.
സ്റ്റേഷൻ ഇൻസ്പെക്ടർ ജിതേഷിന്റെ നേതൃത്വത്തിൽ എസ്ഐ സജി ഷിനോബ്, എസ്‌സിപിഒ പ്രജിത്ത് എന്നിവരടങ്ങുന്ന സംഘം സമീപപ്രദേശങ്ങളിലെ സിസിടിവി ദൃശ്യങ്ങൾ പരിശോധിക്കുകയും നഗരത്തിലെ ഓട്ടോ ഡ്രൈവേഴ്സ് യൂണിയനിൽ വിവരം അറിയിക്കുകയും വാട്സ്ആപ്പ് ഗ്രൂപ്പുകളിൽ സന്ദേശം പങ്കുവെക്കുകയും ചെയ്തു. അത്‌ലറ്റുകൾ മെഡലുകൾ മറന്നുവെച്ച ഓട്ടോ മണിക്കൂറുകൾക്കുള്ളിൽ പൊലീസ് കണ്ടെത്തുകയും പൊലീസ് ഇൻസ്പെക്ടർ ജിതേഷ്, സ്റ്റേഷനിൽ വച്ച് സ്വർണ്ണ മെഡലുകൾ നേടിയ തെലങ്കാന അത്‌ലറ്റുകളെ മെഡലുകൾ കഴുത്തിലണിയിച്ച് ആദരിക്കുകയും ചെയ്തു.
കേരള പൊലീസിന് അത്‌ലറ്റുകൾ നന്ദി പറഞ്ഞു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
