കോട്ടയം∙ ചാംപ്യൻസ് ബോട്ട് ലീഗിലെ രണ്ടാം മത്സരമായ താഴത്തങ്ങാടി വള്ളംകളിയിൽ (കോട്ടയം മത്സര വള്ളംകളി) കൈനകരി വില്ലേജ് ബോട്ട് ക്ലബ് തുഴഞ്ഞ വീയപുരം ചുണ്ടൻ ജേതാവ്. പള്ളാത്തുരുത്തി ബോട്ട് ക്ലബ്ബിന്റെ മേൽപാടം ചുണ്ടനാണ് രണ്ടാം സ്ഥാനം. പുന്നമട
ബോട്ട്ക്ലബ് തുഴഞ്ഞ നടുഭാഗംചുണ്ടൻ മൂന്നാമതെത്തി. ചെറുവള്ളങ്ങളുടെ മത്സരത്തിൽ വെപ്പ് എ ഗ്രേഡ് വിഭാഗത്തിൽ തിരുവാർപ്പ് ബോട്ട് ക്ലബ്ബിന്റെ നെപ്പോളിയൻ ഒന്നാമതെത്തി. കാഞ്ഞിരം ന്യൂ സ്റ്റാറിന്റെ ഷോട്ട് പുളിക്കത്തറയ്ക്കാണ് രണ്ടാം സ്ഥാനം.
വെപ്പ് ബി ഗ്രേഡ് വിഭാഗത്തിൽ കൊണ്ടാക്കൽ ബോട്ട് ക്ലബ്ബിന്റെ പി.ജി.
കരിപ്പുഴ ജേതാക്കളായപ്പോൾ അറുപറ ബോട്ട് ക്ലബ്ബിന്റെ ചിറമേൽ തോട്ടുകടവൻ രണ്ടാം സ്ഥാനത്തെത്തി. ഇരുട്ടുകുത്തി എ ഗ്രേഡ് വിഭാഗത്തിൽ പുളിങ്കുന്ന് ടൗൺ ബോട്ട് ക്ലബ്ബിന്റെ മൂന്നു തൈക്കനും ചെന്നിത്തല ടൗൺ ബോട്ട് ക്ലബ്ബിന്റെ തുരുത്തിത്തറയും യഥാക്രമം ഒന്നും രണ്ടും സ്ഥാനങ്ങൾ നേടി.ഇരുട്ടുകുത്തി ബി ഗ്രേഡ് വിഭാഗത്തിൽ കൊറുംകോട്ട
കെബിസിയുടെ താണിയൻ ദ ഗ്രേറ്റ് ജേതാക്കളായപ്പോൾ സിറ്റി ബോട്ട് ക്ലബ്ബിന്റെ ഡാനിയേൽ രണ്ടാം സ്ഥാനം നേടി.
ചുരുളൻ വള്ളങ്ങളുടെ മത്സരത്തിൽ കുമരംകരി ബിബിസിയുടെ വേലങ്ങാടൻ, വേളൂർ പുളിക്കമറ്റം ബോട്ട് ക്ലബ്ബിന്റെ കോടിമത, കുമരകം തോപ്പിൽ പിബിസിയുടെ മൂഴി എന്നിവ ഒന്നു മുതൽ മൂന്നുവരെ സ്ഥാനങ്ങളിലെത്തി. വള്ളംകളിയുടെ ഉദ്ഘാടനം മന്ത്രി വി.എൻ. വാസവൻ നിർവഹിച്ചു.
തിരുവഞ്ചൂർ രാധാകൃഷ്ണൻ എംഎൽഎ അധ്യക്ഷത വഹിച്ചു. കെ.
ഫ്രാൻസിസ് ജോർജ് എംപി ജലഘോഷയാത്ര ഫ്‌ളാഗ് ഓഫ് ചെയ്തു. ജില്ലാ കളക്ടർ ചേതൻകുമാർ മീണ പതാക ഉയർത്തി.
വള്ളംകളിയുടെ സുവനീർ ചാണ്ടി ഉമ്മൻ എംഎൽഎ പ്രകാശനം ചെയ്തു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
