വെള്ളൂർ ∙ സ്റ്റോപ്പിൽ നിർത്താതെ പോയ സ്വകാര്യ ബസിൽനിന്ന് ഇറങ്ങാൻ ശ്രമിച്ച വിദ്യാർഥിക്ക് പരുക്ക്. ബുധനാഴ്ച വൈകിട്ട് 4.30ന് അണ്ണാടിവയലിനു സമീപമായിരുന്നു സംഭവം.
മണർകാട്ടെ സ്വകാര്യ സ്കൂളിലെ പ്ലസ്‌ വൺ വിദ്യാർഥിയും അണ്ണാടിവയൽ സ്വദേശിയുമായ കുട്ടിക്കാണ് പരുക്കേറ്റത്. സ്റ്റോപ്പിൽ ഇറങ്ങുന്നതിനായി ബസിന്റെ വാതിലിനു സമീപമെത്തിയെങ്കിലും വാഹനം നിർത്തിയില്ലെന്നു വിദ്യാർഥി പറയുന്നു.
മുന്നൂറ് മീറ്റർ മുൻപോട്ട് പോയശേഷം വേഗം കുറച്ചു. കണ്ടക്ടർ ആവശ്യപ്പെട്ടതിനെത്തുടർന്ന് ഇറങ്ങാനുള്ള ശ്രമത്തിനിടെ വീഴുകയായിരുന്നുവെന്നും കുട്ടി പറഞ്ഞു.
വിദ്യാർഥിയുടെ കൈക്കും കാലിനും സാരമായി പരുക്കേറ്റു.
പാമ്പാടി ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകിയശേഷം വീട്ടിലേക്കയച്ചു. സംഭവത്തിൽ പൊലീസിൽ പരാതി നൽകിയതായി വിദ്യാർഥിയുടെ പിതാവ് അറിയിച്ചു.
കഴിഞ്ഞ 11ന് കാഞ്ഞിരപ്പള്ളി – ഈരാറ്റുപേട്ട റോഡിൽ ആനിത്തോട്ടം ബസ് സ്റ്റോപ്പിൽ ഓടിക്കൊണ്ടിരുന്ന ബസിൽനിന്ന് ഏഴാം ക്ലാസ് വിദ്യാർഥിനി റോഡിലേക്ക് തെറിച്ചു വീണിരുന്നു.
സംഭവത്തിൽ, മോട്ടർ വാഹന വകുപ്പു നടത്തിയ അന്വേഷണത്തെത്തുടർന്നു കഴിഞ്ഞ ദിവസം ഡ്രൈവറുടെയും കണ്ടക്ടറുടെയും ലൈസൻസ് 6 മാസത്തേക്കു സസ്പെൻഡ് ചെയ്യുകയും ചെയ്തു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
