കോതനല്ലൂർ ∙ ഏറ്റുമാനൂർ പേരൂർ കവലയ്ക്ക് സമീപം ലോട്ടറി വിൽപനക്കാരിയിൽ നിന്നു ടിക്കറ്റുകൾ തട്ടിയെടുത്ത് യുവാവ് കടന്നുകളഞ്ഞ സംഭവത്തിൽ പ്രതിയെ തിരിച്ചറിഞ്ഞ് പൊലീസ്. കഴിഞ്ഞ ചൊവ്വാഴ്ച നടന്ന സംഭവത്തിൽ സിസി ടിവി ദൃശ്യങ്ങൾ ശേഖരിച്ച് ഏറ്റുമാനൂർ പൊലീസ് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്.
ഇയാൾ സമാന രീതിയിൽ തട്ടിപ്പു നടത്തി പല കേസുകളിൽ പ്രതിയായ ഇടുക്കി സ്വദേശിയാണെന്നു ഏറ്റുമാനൂർ പൊലീസ് തിരിച്ചറിഞ്ഞു. ജയിലിൽ നിന്ന് അടുത്തകാലത്ത് പുറത്തിറങ്ങിയ പ്രതി ഏറ്റുമാനൂരിൽ സജീവമാണെന്നു സൂചന ലഭിച്ചിട്ടുണ്ട്.
കോതനല്ലൂർ ചെരിചട്ടിയിൽ രാജി രാജുവിന്റെ പക്കൽ നിന്നു 120 ടിക്കറ്റുകൾ തട്ടിയെടുത്തു കൊണ്ടുപോയതിൽ 12 ടിക്കറ്റിന് 500 രൂപ വീതം സമ്മാനം അടിച്ചിരുന്നു. കഴിഞ്ഞ ചൊവ്വാഴ്ച ഉച്ചയോടെ ലോട്ടറി വാങ്ങാനെന്ന പേരിലെത്തിയ യുവാവ് കയ്യിൽ നിന്നു ലോട്ടറി തട്ടിയെടുത്ത് പോകുകയായിരുന്നുവെന്നാണ് പരാതി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
About the Author
