തലയോലപ്പറമ്പ് ∙ പള്ളിക്കവലയിൽ കാറുകൾ കൂട്ടിയിടിച്ച് 4 പേർക്കു പരുക്ക്. ഏറ്റുമാനൂർ പാലത്തിങ്കൽ പെട്രീഷ (60), പാലത്തിങ്കൽ അസ്മിൻ (35), തലയോലപ്പറമ്പ് കൂരാപ്പള്ളിൽ ബിനോയി (37), കൂരാപ്പള്ളിൽ രാജേന്ദ്ര ബാബു (70) എന്നിവർക്കാണു പരുക്കേറ്റത്. ഇവരെ പൊതി സ്വകാര്യ ആശുപത്രിയിൽ പ്രവേശിപ്പിച്ചു.
ഗുരുതരമായി പരുക്കേറ്റ പെട്രീഷയെ വിദഗ്ധ ചികിത്സയ്ക്കായി കോട്ടയത്തെ സ്വകാര്യ ആശുപത്രിയിലേക്കു മാറ്റി. ഇന്നലെ വൈകിട്ട് 3.30നായിരുന്നു അപകടം.
എറണാകുളത്തു നിന്നും തലയോലപ്പറമ്പ് ഭാഗത്തേക്കു പോകുകയായിരുന്ന ഏറ്റുമാനൂർ സ്വദേശികൾ സഞ്ചരിച്ച കാറും തലയോലപ്പറമ്പിൽ നിന്നും തലപ്പാറ ഭാഗത്തേക്കു പോയ തലയോലപ്പറമ്പ് സ്വദേശികൾ സഞ്ചരിച്ച കാറും തമ്മിലാണ് കൂട്ടിയിടിച്ചത്. അപകടത്തെ തുടർന്ന് തലയോലപ്പറമ്പ് – എറണാകുളം റോഡിൽ അരമണിക്കൂറോളം ഗതാഗതം തടസ്സപ്പെട്ടു. തലയോലപ്പറമ്പ് പൊലീസെത്തി ക്രെയിൻ ഉപയോഗിച്ച് കാറുകൾ നീക്കിയാണ് ഗതാഗതം പുനഃസ്ഥാപിച്ചത്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
