കുമരകം ∙ കുമരകത്ത് വീണ്ടും വാഹനാപകടം. കുമരകം റോഡിൽ എസ്ബിഐക്ക് സമീപം ഇന്നലെ ബൈക്കും കാറും ഓട്ടോറിക്ഷയും കൂട്ടിയിടിച്ചുണ്ടായ അപകടത്തോടെ തുടർച്ചയായി 3 ദിവസം അപകടമുണ്ടായി.
കാറും ബൈക്കും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരനായ മൂലേടം സ്വദേശി അനീഷിനു(35) ഗുരുതരമായി പരുക്കേറ്റു. അനീഷിനെ കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചു.
കാർ ഡ്രൈവർ കൊല്ലം സ്വദേശി ഷാജി(61)ക്ക് ദേഹാസ്വാസ്ഥ്യം ഉണ്ടായതിനെത്തുടർന്നു കുമരകത്തെ സ്വകാര്യ ആശുപത്രിയിൽ പ്രവേശിപ്പിച്ചു.
ഓട്ടോറിക്ഷാ ഡ്രൈവർ വിവേകിനു(36) കാലിനു പരുക്കേറ്റു. കുമരകത്ത് ആംബുലൻസ് ഇല്ലാതിരുന്നതിനാൽ പരുക്കേറ്റ അനീഷിനെ കോട്ടയത്ത് നിന്ന് ഫയർ ഫോഴ്സിന്റെ ആംബുലൻസ് എത്തിയാണ് ആശുപത്രിയിൽ എത്തിച്ചത്.
3 അപകടങ്ങളിൽ ആദ്യം ബിഎസ്എൻഎൽ ഓഫിസിനു സമീപം രോഗിയുമായി വന്ന ആംബുലൻസ് അയ്യപ്പന്മാർ സഞ്ചരിച്ച കാറുമായി കൂട്ടിയിടിച്ചു. ഈ അപകടത്തിൽ 7 പേർക്ക് പരുക്കേറ്റിരുന്നു.
രണ്ടാമതായി ബോട്ട് ജെട്ടി പാലത്തിനു സമീപം 4 കാറുകൾ കൂട്ടിയിടിച്ച് അപകടം ഉണ്ടായി. ഇതിൽ യാത്രക്കാർക്ക് പരുക്കില്ല.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
