കടുത്തുരുത്തി∙ നിർത്തിയിട്ടിരുന്ന ഇന്ധന വാഗൺ ട്രെയിനിന് മുകളിൽ കയറിയ പോളിടെക്നിക് വിദ്യാർഥിക്ക് വൈദ്യുതി ലൈനിൽ നിന്നും ഷോക്കേറ്റ് വീണ് ഗുരുതര പരുക്ക്. പൊള്ളലേറ്റ വിദ്യാർഥിയെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കടുത്തുരുത്തി ഗവ. പോളിടെക്നിക് കോളജിലെ കംപ്യൂട്ടർ എൻജിനീയറിങ് വിദ്യാർഥി എറണാകുളം കുമ്പളം ശ്രീനിലയം വീട്ടിൽ എസ്.ആർ.
അദ്വൈതിനാണ് ( 18) ഗുരുതരമായി പൊള്ളലേറ്റത്. ചൊവ്വാഴ്ച വൈകുന്നേരം 4.45 ഓടെ വൈക്കം റോഡ് ( ആപ്പാഞ്ചിറ) റെയിൽവേ സ്‌റ്റേഷനു സമീപമാണ് അപകടം.
എറണാകുളത്തേക്ക് പോകാനായി കോളജിൽ നിന്നും കൂട്ടുകാർക്കൊപ്പം എത്തിയ അദ്വൈത് ട്രാക്കിൽ നിർത്തിയിട്ടിരുന്ന ഇന്ധന വാഗണിന് മുകളിലൂടെ കയറി മറുവശത്തേക്ക് കടക്കാൻ ശ്രമിക്കുന്നതിനിടെ വൈദ്യുതി ലൈനിൽ നിന്നും ഷോക്കേൽക്കുകയും തീ പിടിച്ച് റെയിൽവേ ലൈനിലേക്ക് വീഴുകയുമായിരുന്നു.
കൂടെയുണ്ടായിരുന്ന സുഹൃത്തുക്കളും നാട്ടുകാരും ചേർന്ന് ആംബുലൻസിൽ കടുത്തുരുത്തിയിലെയും മുട്ടുചിറയിലെയും സ്വകാര്യ ആശുപത്രിയിലെത്തിച്ചു പ്രഥമശുശ്രൂഷ നൽകി. പിന്നീട് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
എൺപത് ശതമാനത്തിലധികം പൊള്ളലേറ്റ അദ്വൈത് അപകട നില തരണം ചെയ്തിട്ടില്ലെന്ന് ആശുപത്രി അധികൃതർ അറിയിച്ചു …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
