നെടുങ്ങാടപ്പള്ളി ∙ കോട്ടയം – കറുകച്ചാൽ – കോഴഞ്ചേരി റൂട്ടിൽ ബസുകളുടെ മത്സരയോട്ടം തുടർക്കഥയാകുന്നു. കഴിഞ്ഞ ദിവസം നെടുങ്ങാടപ്പള്ളി ജംക്‌ഷനിൽ കെഎസ്ആർടിസി ബസിനെ തെറ്റായ ദിശയിൽ എത്തിയ സ്വകാര്യ ബസ് അമിതവേഗത്തിൽ മറികടന്നത് അപകടത്തിന് ഇടയാക്കിയിരുന്നു.
നെടുങ്ങാടപ്പള്ളി ജംക്‌ഷനിലെ ട്രാഫിക് ഡിവൈഡറിനെ തെറ്റായ ദിശയിൽ മറികടന്നാണ് സ്വകാര്യ ബസ് കയറിപ്പോയത്. ഇതുവഴി പോയ ഇരുചക്രവാഹന യാത്രക്കാരൻ അപകടത്തിൽപെടാതെ രക്ഷപ്പെടുകയായിരുന്നു.
48 കിലോമീറ്റർ തർക്കത്തിൽ
സമയം പാലിക്കാതെ നിരത്തിലിറങ്ങുന്ന ബസുകൾ അമിത വേഗത്തിലാണ് പായുന്നത്.
ഒരു ബസ് സ്റ്റോപ്പിൽ നിർത്തിയാൽ പിന്നാലെ വരുന്ന ബസ് നിർത്താതെ പോകുകയോ യാത്രക്കാരെ മുന്നിലേക്ക് മാറ്റി ഇറക്കുകയോ ചെയ്യും. വളവുകളിൽ പോലും വാഹനങ്ങളെ മറികടക്കുന്നത് പതിവാണ്.
ബസ് സ്റ്റാൻഡുകളിൽ സമയം സംബന്ധിച്ച് തർക്കവും ബഹളവും പതിവാണ്. കോട്ടയം – കോഴഞ്ചേരി റോഡിൽ കെഎസ്ആർടിസി ചെയിൻ സർവീസ് ആരംഭിച്ച കാലം മുതലാണ് മത്സരഓട്ടം തുടങ്ങിയത്.
ഒരേസമയത്ത് പല ബസുകൾ
കോട്ടയത്തുനിന്നു കോഴഞ്ചേരിയിലേക്ക് ഒരേ സമയത്ത് പുറപ്പെടുന്ന സ്വകാര്യ ബസുകളും കെഎസ്ആർടിസി ബസുകളുമുണ്ട്.
വിവിധ റൂട്ടുകളിൽനിന്നു കറുകച്ചാൽ ബസ് സ്റ്റാൻഡിൽ എത്തുന്ന ബസുകളുമുണ്ട്. ഇവയെല്ലാം ഒന്നിച്ച് നിരത്തിൽ ഇറങ്ങുന്നതോടെ ആളെ കയറ്റാനായി മത്സരിച്ച് ഓടും.
നാലോ അഞ്ചോ മിനിറ്റ് വ്യത്യാസത്തിൽ പുറപ്പെടുന്ന ബസുകളാണ് പലതും. മത്സരയോട്ടവും തർക്കവും പതിവാണ്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
