കരുനാഗപ്പള്ളി ∙ മാർക്കറ്റ് റോഡിൽ ആലുംമുക്ക് ഭാഗത്തെ വസ്ത്ര വ്യാപാര സ്ഥാപനത്തിലേക്ക് വാൻ ഇടിച്ചു കയറി 2 പേർക്കു പരുക്കേറ്റു. കടയുടെ മുൻഭാഗത്തെയും വശത്തെയും ഗ്ലാസുകൾ ഉൾപ്പെടെ പൂർണമായി തകർന്നു.
കടയിൽ ഓർഡർ എടുക്കാൻ എത്തിയ സ്വകാര്യ കമ്പനിയുടെ സെയിൽസ് എക്സിക്യൂട്ടീവായ ആയൂർ ആനന്ദ ഭവനത്തിൽ അഖിൽ (30), വടക്കൻ മൈനാഗപ്പള്ളി പൊയ്കയിൽ കിഴക്കതിൽ ഷാജഹാൻ (56) എന്നിവർക്കാണ് പരുക്കേറ്റത്.
അഖിലിനെ കൊല്ലത്തെ സ്വകാര്യ ആശുപത്രിയിലും, ഷാജഹാനെ ആലപ്പുഴ മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ഇന്നലെ വൈകിട്ട് ആലുംമുക്കിൽ നിന്ന് ഇടകുളങ്ങര റെയിൽവേ സ്റ്റേഷൻ റോഡിലേക്ക് തിരിയുകയായിരുന്ന വാൻ നിയന്ത്രണം വിട്ട് കടയ്ക്കുള്ളിലേക്ക് ഇടിച്ചു കയറുകയായിരുന്നു.
ഈ സമയം കടയിലും റോഡിന്റെ വശത്തും കുടുതൽ തിരക്ക് ഇല്ലാതിരുന്നതിനാൽ വലിയ അപകടം ഒഴിവായി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
