അഞ്ചൽ ∙ അഞ്ചൽ – പുനലൂർ റോഡിലെ കൊച്ചുകുരുവിക്കോണം ജംക്‌ഷനിൽ കാറും ബൈക്കും നേർക്കുനേർ ഇടിച്ചുണ്ടായ അപകടത്തിൽ ബൈക്ക് യാത്രികരായ സുഹൃത്തുക്കൾക്ക് ദാരുണാന്ത്യം. കരവാളൂർ പൊയ്കമുക്ക് ഉണ്ണിക്കുന്ന് ലക്ഷ്മി വിലാസത്തിൽ സാം കുമാറിന്റെയും സുജാതയുടെയും മകൻ സംഗീത് സാം (22), കരവാളൂർ ഉണ്ണിക്കുന്ന് ചരുവിള പുത്തൻ വീട്ടിൽ സജിക്കുട്ടന്റെയും സുമയുടെയും മകൻ സരോഷ് (23) എന്നിവരാണു മരിച്ചത്.
ചൊവ്വ രാത്രി പത്തോടെ ആയിരുന്നു അപകടം.
സംഗീത് സാം രാത്രി അഞ്ചലിലെ ആശുപത്രിയിൽ മരിച്ചു. ഗുരുതരമായ പരുക്കുകളോടെ സരോഷിനെ തിരുവനന്തപുരം ഗവ.മെഡിക്കൽ കോളജ് ആശുപത്രിയിൽ എത്തിച്ചെങ്കിലും ഇന്നലെ ഉച്ചയോടെ മരിച്ചു.
ഇവർ അഞ്ചൽ ഭാഗത്തുനിന്നു കരവാളൂരിലേക്കു ബൈക്കിൽ പോകുമ്പോഴായിരുന്നു അപകടം. പുനലൂർ ഭാഗത്തുനിന്നു അഞ്ചലിലേക്കു പോയ കാറുമായി മുഖാമുഖം ഇടിക്കുകയായിരുന്നെന്നു പൊലീസ് പറയുന്നു.
നാട്ടുകാരാണ് ആശുപത്രിയിൽ എത്തിച്ചത്. പൊലീസ് കേസെടുത്തു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
