നടപ്പാലത്തിനോടു ചേർന്നു നിർമിച്ച സംരക്ഷണ ഭിത്തിയിൽ വിള്ളൽ

പന്മന∙ ടിഎസ് കനാലിൽ ദേശീയ ജലപാതയ്ക്ക് കുറുകെ കെഎംഎംഎൽ എംഎസ് യൂണിറ്റിലേക്ക് നിർമിച്ച പുതിയ നടപ്പാലത്തിനോടു ചേർന്ന സംരക്ഷണ ഭിത്തിയിൽ  വിള്ളൽ. ടിപി യൂണിറ്റ് വഴി ടിഎസ് കനാലിലേക്ക് നിർമിച്ചിട്ടുള്ള ഓട

വന്നു ചേരുന്ന ഭാഗത്താണ് വിള്ളൽ കണ്ടത്. പന്മന മേക്കാട് ഭാഗത്ത് നിന്നു പാലത്തിലേക്ക് പ്രവേശിക്കുന്നതും കോവിൽത്തോട്ടത്തേക്കുള്ള വഴിയും ഈ ഭാഗത്ത് കൂടിയാണ്.

താഴത്തെ പടികൾ ഉറപ്പിച്ചിരിക്കുന്ന തൂണ് ഈ സംരക്ഷണ ഭിത്തിയോടു ചേർന്നാണ്.
കഴിഞ്ഞ ദിവസമാണ് വിള്ളൽ കണ്ടെത്തിയത്. സിംഗിൾ ഗർഡർ പ്രീ സ്ട്രെസ്ഡ് കോൺക്രീറ്റ് നടപ്പാലം കെഎംഎംഎൽ 5.07 കോടി രൂപ ചെലവിട്ടാണ് നിർമിച്ചത്.

ജൂലൈ 4ന് മന്ത്രി പി.രാജീവാണ് പാലം ഉദ്ഘാടനം ചെയ്തത്. നിലവിലുണ്ടായിരുന്ന ഇരുമ്പ് നടപ്പാലം തകർന്ന് മൂന്ന് ജീവനക്കാർ മരിച്ചിരുന്നു.

തുടർന്നാണ് പുതിയ പാലം നിർമിച്ചത്. സംരക്ഷണ ഭിത്തിയുടെ വിള്ളൽ പരിശോധിക്കണമെന്ന് നാട്ടുകാർ ആവശ്യപ്പെട്ടു.

…