ചാത്തന്നൂർ ∙ തിരുമുക്ക് അടിപ്പാത സമരസമിതിയുടെ സമരത്തിന്റെ 30-ാം ദിവസം ചാത്തന്നൂർ വികസന സമിതി കൺവീനർ ജി.പി.രാജേഷ്, പരവൂർ പ്രൊട്ടക്‌ഷൻ ഫോറം പ്രതിനിധി പി.കെ.സുഭാഷ്, പരവൂർക്കാർ കൂട്ടായ്മ കൺവീനർ വി.എസ്.ഗോപൻ, പരവൂർ യുവജന കൂട്ടായ്മ പ്രതിനിധി എ.എസ്.അഭിജിത്ത് എന്നിവർ സത്യഗ്രഹം നടത്തി. ഇത്തിക്കര ബ്ലോക്ക് പഞ്ചായത്ത് പ്രസിഡന്റ് എം.കെ.ശ്രീകുമാർ ഉദ്ഘാടനം ചെയ്തു. ചാത്തന്നൂർ വികസന സമിതി ചെയർമാൻ ജി.രാജശേഖരൻ അധ്യക്ഷത വഹിച്ചു. പരവൂർ പ്രൊട്ടക്‌ഷൻ ഫോറം ജോയിന്റ് കൺവീനർ പി.കെ.മുരളി, പരവൂർ യുവജന കൂട്ടായ്മ കൺവീനർ ഷൈൻ എസ്.കുറുപ്പ്, സമരസമിതി ജനറൽ കൺവീനർ കെ.കെ.നിസാർ, ഗിരി കുമാർ, സജി തട്ടത്തുവിള, സന്തോഷ് പാറയിൽക്കാവ്, പി.ദിനകരൻ എന്നിവർ പ്രസംഗിച്ചു.
കരിദിനം ആചരിച്ചു
തിരുമുക്ക് അടിപ്പാത സത്യഗ്രഹ സമരം 30 ദിവസം തികഞ്ഞതിന്റെ ഭാഗമായി പ്രതിഷേധ കരിദിനം ആചരിച്ചു. ജനകീയ ആവശ്യം പരിഗണിക്കാത്ത അധികാരികൾക്കെതിരെ പ്രതിഷേധം ഉയർത്തിയാണ് കരിദിനാചരണം നടത്തിയത്.
വൈകിട്ട് ചാത്തന്നൂർ പെട്രോൾ പമ്പിന് സമീപത്ത് നിന്ന് ആരംഭിച്ച പ്രതിഷേധ പ്രകടനം തിരുമുക്കിൽ സമാപിച്ചു. പ്രതിഷേധ സൂചകമായി കറുത്ത റിബൺ തലയിൽ കെട്ടി പ്രവർത്തകർ പ്രകടനത്തിൽ പങ്കെടുത്തു.
ശിവഗിരി മഠം പ്രതിനിധി നാരായണ ധർമവ്രത സ്വാമി പ്രതിഷേധ ജ്വാല തെളിച്ചു പൊതുയോഗം ഉദ്ഘാടനം ചെയ്തു.
ചാത്തന്നൂർ വികസന സമിതി ചെയർമാൻ ജി.രാജശേഖരൻ അധ്യക്ഷത വഹിച്ചു. വ്യാപാര സ്ഥാപനങ്ങളിൽ കരിങ്കൊടി ഉയർത്തി വ്യാപാര സംഘടനകൾ പ്രതിഷേധിച്ചു.
സമരത്തിന്റെ മുപ്പത്തിയൊന്നാം ദിവസമായ ഇന്ന് വൈകിട്ട് 5നു ചാത്തന്നൂർ വികസന സമിതിയും ചാത്തന്നൂർ വൈഎംസിഎ പ്രവർത്തകരും സായാഹ്ന സത്യഗ്രഹം നടത്തും. ചിറക്കര പഞ്ചായത്ത് പ്രസിഡന്റ് ടി.ആർ.സജില പ്രതിഷേധ ജ്വാല സമരം ഉദ്ഘാടനം ചെയ്യും.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
