കൊല്ലം ∙ കുട്ടികളുടെ അമിത ‘സ്ക്രീൻ ടൈം’ കുറയ്ക്കുന്നതിനു ഫെഡറൽ ബാങ്കും മലയാള മനോരമയും ചേർന്നു നടപ്പാക്കുന്ന ‘കളിയും കാര്യവും’ ബോധവൽക്കരണ പരിപാടി ജില്ലയിൽ തുടങ്ങി. തങ്കശ്ശേരി ഇൻഫന്റ് ജീസസ് ആംഗ്ലോ – ഇന്ത്യൻ ഹയർസെക്കൻഡറി സ്കൂൾ, കരിക്കോട് ടികെഎം ഹയർസെക്കൻഡറി സ്കൂൾ എന്നിവിടങ്ങളിൽ പരിപാടി നടത്തി.
അമിതമായ സ്ക്രീൻ ഉപയോഗത്തിന്റെ ദോഷങ്ങൾ, സമ്പാദ്യത്തിന്റെ ആവശ്യകത – സാമ്പത്തിക സുരക്ഷ എന്നീ വിഷയങ്ങളിലാണു കുട്ടികളെ ബോധവൽക്കരിക്കുന്നത്. ക്വിസ് മത്സരത്തിലൂടെ സമ്മാനങ്ങളും നൽകുന്നുണ്ട്.
കേരളത്തിന്റെ പാരമ്പര്യ കലാരൂപങ്ങളായ ചാക്യാർ കൂത്ത്, തെയ്യം എന്നിവയിലൂടെയാണു ബോധവൽക്കരണം.
മാനസികാരോഗ്യ വിദഗ്ധരുടെ സെഷനുകളും ഉണ്ട്. വരും ദിവസങ്ങളിൽ സംസ്ഥാനത്തെ വിവിധ സ്കൂളുകളിൽ പരിപാടി തുടരും. തങ്കശ്ശേരി ഇൻഫൻറ് ജീസസ് ആംഗ്ലോ-ഇന്ത്യൻ ഹയർസെക്കൻഡറി സ്കൂൾ ക്വിസ് മത്സരങ്ങളിൽ വിജയികൾക്ക് ഫെഡറൽ ബാങ്ക് പോളയത്തോട് എഇവിപി ആൻഡ് ബ്രാഞ്ച് ഹെഡ് കാർത്തിക കൈമളും ടി.കെ.എം.
ഹയർസെക്കൻഡറി സ്കൂളിൽ കരിക്കോട് ബ്രാഞ്ച് ഹെഡ് വിഷ്ണു വിജയ്ശങ്കറും സമ്മാനങ്ങൾ നൽകി. ധനവിനിയോഗത്തെക്കുറിച്ചും തട്ടിപ്പുകൾ സംബന്ധിച്ചും ഫെഡറൽ ബാങ്ക് പ്രതിനിധികളാണു ക്ലാസ് നയിച്ചത്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
