കണ്ണനല്ലൂർ ∙ നെടുമ്പന മഞ്ഞക്കുഴിയിൽ പാറപ്പൊടി ഇറക്കുന്നതിനിടെ ലോറി തെന്നി മാറി ചെളിയെടുത്ത 50 അടി താഴ്ചയിലുള്ള കുഴിയിൽ പതിച്ചു. വാഹനത്തിൽ ഡ്രൈവർ ഇല്ലാത്തതിനാൽ ദുരന്തം ഒഴിവായി.
ഇന്നലെ രാവിലെ 9 മണിയോടെയാണ് അപകടം. മഞ്ഞക്കുഴിയിലുള്ള സ്വകാര്യ സിമന്റുകട്ട നിർമാണ യൂണിറ്റിലേക്ക് പാറപ്പൊടിയുമായി എത്തിയ വാഹനമാണ് ചെളിക്കുഴിയിലേക്കു വീണത്.
ഡ്രൈവർ വാഹനത്തിൽ നിന്നു ഇറങ്ങി പാറപ്പൊടി ഇറക്കാനായി ശ്രമിക്കുമ്പോഴാണ് ലോറി തെന്നി മാറി കുഴിയിലേക്കു പതിച്ചത്.
അപകടം അറിഞ്ഞ് സ്ഥലത്ത് എത്തിയ ബ്ലോക് പഞ്ചായത്ത് അംഗം ഫൈസൽ കുളപ്പാടം, ദമീൻ ജെ.മുട്ടയ്ക്കാവ്, ഷമീർ മുട്ടയ്ക്കാവ് എന്നിവർ കണ്ണനല്ലൂർ പൊലീസിനെയും അഗ്നി രക്ഷാസേനയെയും അറിയിച്ചു. കൊല്ലത്തു നിന്ന് എത്തിയ സ്കൂബ സ്കൂബ ടീം അംഗങ്ങളായ വി.വിജേഷ്, എസ്.ശരത്, ജെ.സുരേഷ്കുമാർ, ഷഹീർ, സനിൽകുമാർ, ഷാബു എന്നിവർ നാലു മണിക്കൂറോളം പരിശ്രമിച്ചാണ് വാഹനം കരയിലേക്കു കയറ്റാനായത്. നെടുമ്പന കുളപ്പാടം സ്വദേശി നിസാമിന്റെ ഉടമസ്ഥതയിലുള്ളതാണ് ലോറി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
