നീണ്ടകര ∙ ദേശീയപാതയിൽ സ്കൂട്ടറിലിടിച്ചു നിയന്ത്രണം വിട്ട കാർ കണ്ടെയ്നർ ലോറിയിലേക്ക് ഇടിച്ചു കയറി.
ഇന്നലെ വൈകിട്ട് 3ന് ജോയിന്റ് ജംക്‌ഷനിലായിരുന്നു അപകടം. ചവറ ഭാഗത്തേക്കു പോയ കാർ ജോയിന്റ് ജംക്‌ഷനിൽ നിന്നും ഹാർബർ റോഡിലേക്ക് കടന്ന സ്കൂട്ടറിൽ ഇടിച്ചു നിയന്ത്രണം വിട്ടു ഹാർബർ റോഡിൽ നിന്നും ദേശീയപാതയിലേക്ക് പ്രവേശിച്ച ലോറിയിലെ ഡീസൽ ടാങ്കിലേക്ക് ഇടിച്ചുകയറുകയായിരുന്നു.
ഡീസൽ പുറത്തേക്ക് ഒഴുകി. ദേശീയപാത നിർമാണ കമ്പനിയുടെ ടാങ്കറിൽ എത്തിച്ച ജലം ഒഴുക്കി ഡീസൽ നിർവീര്യമാക്കി.
ദേശീയപാത വികസനത്തിന്റെ ഭാഗമായി നിർമാണ സാമഗ്രികൾ എത്തിച്ചു കൊടുക്കുന്ന കണ്ടെയ്നർ ലോറിയിലാണ് കാർ ഇടിച്ചത്. സ്കൂട്ടർ യാത്രക്കാരൻ നീണ്ടകര സ്വദേശി ബിജിലിനു നിസ്സാര പരുക്കേറ്റു.
കാറിൽ ഉണ്ടായിരുന്ന സ്ത്രീക്കും പുരുഷനും പരുക്കേറ്റില്ല. ഈ സമയം അതുവഴി കടന്നുപോയ കരുനാഗപ്പള്ളി എഎസ്പി അഞ്ജലി ഭാവന വാഹനം നിർത്തി ചവറ പൊലീസിൽ വിവരം അറിയിക്കുകയും മറ്റ് ആവശ്യമായ നടപടികൾ സ്വീകരിച്ച ശേഷമാണു യാത്ര തുടർന്നത്.
കാറിന്റെ മുൻഭാഗം പൂർണമായും തകർന്നു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
