ഓടിക്കൊണ്ടിരുന്ന ബസിന്റെ മുകളിലേക്ക് മരം വീണ് ഡ്രൈവർക്ക് പരുക്ക്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
രാജപുരം∙ കനത്ത മഴയിൽ കാഞ്ഞങ്ങാട്– പാണത്തൂർ സംസ്ഥാന പാതയിൽ ഓടിക്കൊണ്ടിരിക്കുന്ന ബസിന്റെ മുകളിലേക്ക് മരം കടപുഴകി വീണ് ഡ്രൈവർക്ക് പരുക്ക്. ബസിന്റെ മുൻ ഗ്ലാസ് തകർന്ന് പരുക്കേറ്റ ഡ്രൈവർ പ്രസാദ് (30) പൂടംകല്ലിലെ താലൂക്ക് ആശുപത്രിയിൽ ചികിത്സ തേടി. കാഞ്ഞങ്ങാട്-ബന്തടുക്ക റൂട്ടിൽ സർവീസ് നടത്തുന്ന സ്വകാര്യ ബസ് കാഞ്ഞങ്ങാട്ടേയ്ക്കുള്ള യാത്രയിലാണ് ചുള്ളിക്കര പാലത്തിന് സമീപത്ത് വച്ച് പാതയോരത്തെ മരം കടപുഴകി വീണ് അപകടത്തിൽപ്പെട്ടത്.
ഇന്നലെ 2 മണിയോടെയാണ് അപകടം. അപകടത്തെ തുടർന്ന് സംസ്ഥാന പാതയിൽ അര മണിക്കൂറോളം ഗതാഗതം തടസ്സപ്പെട്ടു. അപകടത്തിൽ നിന്നും യാത്രക്കാർ തലനാരിഴയ്ക്കാണ് രക്ഷപ്പെട്ടത്. വിവരമറിഞ്ഞെത്തിയ രാജപുരം പൊലീസും നാട്ടുകാരും ചേർന്ന് മണ്ണുമാന്തി യന്ത്രം ഉപയോഗിച്ച് മരം മാറ്റി ഗതാഗതം പുനഃസ്ഥാപിച്ചു. കുറ്റിക്കോലിൽ നിന്ന് അഗ്നിരക്ഷാ സേനയും സ്ഥലത്തെത്തി.
