ആകാശപാത വേണം; പഴയപാലം വേണ്ട…; നീലേശ്വരം ഒറ്റക്കെട്ടായി പറയുന്നു

ആകാശപാത വേണം; പഴയപാലം വേണ്ട…; നീലേശ്വരം ഒറ്റക്കെട്ടായി പറയുന്നു നീലേശ്വരം ∙ ദേശീയപാത വികസനത്തിന്റെ ഭാഗമായി നീലേശ്വരം മാർക്കറ്റിൽ ആകാശപാത വേണമെന്ന ആവശ്യം നിഷേധിച്ചതിലെ അസ്വാഭാവികത സാങ്കേതിക വിവരങ്ങളടക്കം ഉൾപ്പെടുത്തി അവതരിപ്പിച്ച മനോരമ റിപ്പോർട്ടിന് അനുകൂലമായി പ്രതികരണം. മനുഷ്യാവകാശ കമ്മിഷനു പരാതി നൽകിയ നഗരസഭാ കൗൺസിലർ ഇ.ഷജീറിനു ലഭിച്ച മറുപടിയിലാണ് പഴയപാലം നിലനിർത്തുമെന്ന് ദേശീയപാത അതോറിറ്റി വ്യക്തമാക്കിയിട്ടുള്ളത്.  ഇത് സംബന്ധിച്ച് എന്തെങ്കിലും പരാതിയുണ്ടെങ്കിൽ 15 ദിവസത്തിനുള്ളിൽ അറിയിക്കാനും സംസ്ഥാന മനുഷ്യാവകാശ കമ്മിഷന്റെ കത്തിൽ പറയുന്നു.

പഴയപാലം നിലനിർത്തുമെന്ന നിലപാടിനെതിരെ രാഷ്ട്രീയ സാംസ്‌കാരിക രംഗത്തെ ഒട്ടേറെപ്പേർ രംഗത്തുവന്നു. പഴയ പാലം പൊളിക്കണമെന്ന് ആവശ്യപ്പെട്ടും ആകാശപാത നിഷേധിച്ചതിനെതിരെയുമുള്ള മനോരമ വാർത്ത സഹിതം കൗൺസിലർ ചൊവ്വാഴ്ച തിരുവനന്തപുരത്തു കമ്മിഷനു മുൻപിൽ ഹാജരാക്കും.

…