ജ്യോതിയുടെ വീട്ടിലെത്തി വില്ലേജ് ഓഫിസർ

പയ്യന്നൂർ ∙ കാറ്റിലും മഴയിലും മേൽക്കൂര പാറിപ്പോയ വാടകക്കെട്ടിടത്തിൽ കഴിയുന്ന തായിനേരിയിലെ ജ്യോതിക്ക് സർക്കാർ സഹായം ലഭ്യമാക്കുന്നതിന് വില്ലേജ് ഓഫിസർ എം.പ്രദീപൻ ജ്യോതിയുടെ വാടക വീട്ടിലെത്തി വിവരങ്ങൾ ശേഖരിച്ചു. ജ്യോതിയുടെ പ്രശ്നങ്ങൾ ഉന്നത ഉദ്യോഗസ്ഥരുടെ ശ്രദ്ധയിൽ പെടുത്താനാവശ്യമായ നടപടികൾ സ്വീകരിക്കുമെന്ന് വില്ലേജ് ഓഫിസർ ജ്യോതിയെ അറിയിച്ചു. പേരക്കുട്ടിയുടെ ചികിത്സയ്ക്കു സഹായം ലഭ്യമാക്കാനുള്ള നടപടിയും വില്ലേജ് ഓഫിസർ സ്വീകരിച്ചു. നല്ലൊരു വാടക വീട് കണ്ടെത്തി കൊടുക്കാൻ കെട്ടിട

ഉടമയോട് നിർദേശിച്ചു. ജ്യോതിയുടെയും കുടുംബത്തിന്റെയും പ്രയാസം മലയാള മനോരമ റിപ്പോർട്ട് ചെയ്തിരുന്നു. അതിന്റെ അടിസ്ഥാനത്തിലാണ് വില്ലേജ് ഓഫിസർ സ്ഥലത്തെത്തിയത്.

…