കല്യാശ്ശേരി ∙ ദേശീയപാത കല്യാശ്ശേരി മാങ്ങാടിനു സമീപം ഓട്ടത്തിനിടെ കാർ കത്തിനശിച്ചു. ഇന്നലെ രാത്രി 8.45ന് ആണ് സംഭവം. ആളപായമില്ല.
തളിപ്പറമ്പ് ഭാഗത്തേക്കു പോകുന്ന കാറിൽ പന്നിയൂർ സ്വദേശികളായ സജീവൻ, സുനിത എന്നിവരാണ് ഉണ്ടായിരുന്നത്. തീ പടരുന്നതുകണ്ട
ഉടൻ കാർ റോഡരികിൽ നിർത്തി യാത്രക്കാർ പെട്ടെന്നു പുറത്തിറങ്ങിയതിനാൽ വൻ അപകടം ഒഴിവായി.
മൊറാഴ–കല്യാശ്ശേരി സഹകരണ ബാങ്ക് മാങ്ങാട് ബ്രാഞ്ചിന്റെ മുൻവശത്താണ് അപകടം നടന്നത്. തളിപ്പറമ്പിൽനിന്ന് അഗ്നിരക്ഷാസേന എത്തി തീയണച്ചു.
കാർ പൂർണമായും കത്തിനശിച്ചു. ദേശീയപാത തളിപ്പറമ്പ് ഭാഗത്തേക്കുള്ള സർവീസ് റോഡിൽ ഒരു മണിക്കൂറോളം ഗതാഗതം തടസ്സപ്പെട്ടു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
