തുളിച്ചേരിയിലെ തോട്ടിൽ മീനുകൾ ചത്ത നിലയിൽ; ശുചിമുറി മാലിന്യം തോട്ടിലേക്ക് ഒഴുക്കിയെന്ന് ആരോപണം

കണ്ണൂർ ∙ കോർപറേഷൻ പരിധിയിലെ തുളിച്ചേരിയിലെ തോട്ടിൽ മീനുകൾ വ്യാപകമായി ചത്ത നിലയിൽ. ഇന്നലെ പ്രഭാത സവാരിക്കിറങ്ങിയവരാണു സംഭവം ആദ്യം കണ്ടത്.

ഓ​ട​യി​ലൂ​ടെ ശുചിമുറി മാലിന്യം ഒഴു​ക്കി​യ​താണു തോ​ട്ടി​ലെ മീ​നു​ക​ൾ ച​ത്തു പൊ​ന്താൻ കാരണമെന്ന് നാട്ടുകാർ ആരോപിച്ചു. ഫ്ലാ​റ്റു​ക​ളി​ൽ നി​ന്നോ ആ​ശു​പ​ത്രി​ക​ളി​ൽ നി​ന്നോ ഉ​ള്ള മാ​ലി​ന്യം രാ​ത്രി ഓ​ട​യി​ലേ​ക്ക് ഒ​ഴു​ക്കി വി​ട്ട​താ​യി​രി​ക്കു​മെ​ന്നു പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

കെ.വി.സുമേഷ് എംഎൽഎ, കൗൺസിലർ സി.സുനിഷ എന്നിവർ സ്ഥലത്തെത്തി. 
ആനക്കുളം മുതൽ ഇടച്ചേരി വഴി കക്കാട് പുഴ വരെ നീളുന്നതാണു തോട്. പ്രദേശത്ത് മഴക്കാലത്ത് വെള്ളം ഒഴുകിപ്പോകാൻ വർഷങ്ങൾക്കു മുൻപ് നിർമിച്ച തോട്ടിൽ ആശുപത്രി മാലിന്യം, മലിനജലം, ശുചിമുറി മാലിന്യം എന്നിവ ഒഴുക്കുന്നതായി നാട്ടുകാർ അധികൃതർക്ക് പരാതി നൽകിയിരുന്നു.

മനുഷ്യാവകാശ കമ്മിഷനു നൽകിയ പരാതിയിൽ നടപടിക്ക് നിർദേശം നൽകിയിട്ടും ജില്ലാ ഭരണകൂടം, ജില്ലാ ആരോഗ്യ വകുപ്പ്, കണ്ണൂർ കോർപറേഷൻ, മലിനീകരണ നിയന്ത്രണ ബോർഡ്, ശുചിത്വമിഷൻ അധികൃതർ എന്നിവരിൽ നിന്നു നടപടിയുണ്ടായില്ലെന്നു നാട്ടുകാർ പരാതിപ്പെടുന്നു.
കണ്ണൂർ തുളിച്ചേരിയിലെ തോടുമായി ബന്ധപ്പെട്ട വിഷയത്തിൽ കണ്ണൂർ കോർപറേഷൻ–ആരോഗ്യവിഭാഗം–മൈനർ ഇറിഗേഷൻ അധികൃതരുടെ യോഗം വിളിച്ചു ചേർക്കും.

പ്രശ്നം പരിഹരിക്കാൻ നടപടി സ്വീകരിക്കും. 
കെ.വി.സുമേഷ് , എംഎൽഎ
 തോട്ടിലെ മാലിന്യപ്രശ്നം കാരണം 12 വർഷമായി ജനം ആശങ്കയിലാണ്. ക​ക്കാ​ട് റോ​ഡി​നോ​ടു ചേ​ർ​ന്നു​ള്ള ചേ​നോ​ളി ലൈ​നി​ൽനി​ന്ന് ആ​രം​ഭി​ക്കു​ന്ന ഓ​ട​ക​ൾ വ​ന്നു ചേ​രു​ന്നത് ഈ തോട്ടിലേക്കാണ്.

തോട്ടിലെ മാലിനജലം കാരണം പ്രദേശത്തെ കിണറുകൾ മലിനമാകാറുണ്ടെന്നും നാട്ടുകാർ പറഞ്ഞു. ക​ഴി​ഞ്ഞ വ​ർ​ഷ​വും സ​മാ​ന​മാ​യ സം​ഭ​വം ഉ​ണ്ടാ​യി​രു​ന്നു.

ഇവിടെയുള്ള റ​സി​ഡ​ന്റ്സ് അ​സോ​സി​യേ​ഷ​നുകൾ കോ​ർ​പ​റേ​ഷ​നെ സ​മീ​പി​ച്ചി​രു​ന്നെ​ങ്കി​ലും നി​സാ​ര​വ​ൽകരിച്ചെന്ന് ആ​രോ​പ​ണ​മു​ണ്ട്. ക​ഴി​ഞ്ഞവ​ർ​ഷം തോ​ട്ടി​ൽ ശുചിമുറി മാ​ലി​ന്യം ഒ​ഴുക്കി വി​ട്ട​തി​നെ തു​ട​ർ​ന്ന് പ്ര​ദേ​ശ​ത്തെ കി​ണ​റു​ക​ളും മ​ലി​ന​മാ​യി​രു​ന്നു.

…