കെ.സുധാകരനെ മാറ്റിയതിൽ പ്രതിഷേധം; മുഴപ്പിലങ്ങാട് മണ്ഡലം കമ്മിറ്റിയിൽ കൂട്ടരാജി പ്രഖ്യാപനം

മുഴപ്പിലങ്ങാട് ∙ കെ.സുധാകരനെ കെപിസിസി പ്രസിഡന്റ് സ്ഥാനത്തുനിന്ന് മാറ്റിയതിൽ പ്രതിഷേധിച്ച് കോൺഗ്രസ് മുഴപ്പിലങ്ങാട് മണ്ഡലം കമ്മിറ്റി കൂട്ടരാജി പ്രഖ്യാപിച്ചു. മണ്ഡലം കമ്മിറ്റി യോഗം നടന്നുകൊണ്ടിരിക്കെയാണ് കെ.സുധാകരനെ മാറ്റിയ വാർത്തവന്നത്. പിന്നാലെ കമ്മിറ്റി ഒന്നടങ്കം രാജി പ്രഖ്യാപിക്കുകയായിരുന്നു.

യോഗത്തിൽ എൻ.പി.ചന്ദ്രദാസ് അധ്യക്ഷത വഹിച്ചു. ധർമ്മടം ബ്ലോക്ക് പ്രസിഡന്റ് കെ.വി.ജയരാജൻ, ബ്ലോക്ക് ഭാരവാഹികളായ സി.ദാസൻ, കെ.സുരേഷ്, എ.ദിനേശൻ, സി.എം.അജിത്ത് കുമാർ, പി.ഗംഗാധരൻ, പി.കെ.വിജയൻ, ഇ.കെ.രേഖ, മഹിളാ കോൺഗ്രസ് ധർമ്മടം ബ്ലോക്ക് പ്രസിഡന്റ് ബീന വട്ടക്കണ്ടി, സേവാദൾ ധർമ്മടം നിയോജക മണ്ഡലം പ്രസിഡണ്ട് ആർ.മഹാദേവൻ എന്നിവർ പങ്കെടുത്തു.