കണ്ണൂരിന്റെ മലയോര മേഖലയിൽ കനത്ത മഴ; ബാവലിപ്പുഴ കരകവിഞ്ഞ് ഒഴുകുന്നു

ഇരിട്ടി ∙ മലയോര മേഖലയിൽ കനത്ത മഴയിൽ താഴ്ന്ന പ്രദേശങ്ങളിൽ വെള്ളം കയറി. ബാവലിപ്പുഴ കരകവിഞ്ഞ് ഒഴുകുകയാണ്.

വനത്തിൽ അതിശക്തമായ മഴ പെയ്യുന്നതാണ് ബാവലിപ്പുഴ കരകവിയാൻ കാരണമെന്നാണ് കരുതുന്നത്. വിവിധ റോഡുകളിൽ വെള്ളക്കെട്ട് രൂപപ്പെട്ടു.

പാലപ്പുഴ പാലത്തിൽ വെള്ളം കയറി. കൊമ്പൻ പാറയിൽ മതിൽ ഇടിഞ്ഞ് വീട്ടു മുറ്റത്തെ കിണർ തകർന്നു.

ചൊവ്വാ വൈകിട്ട് മുതൽ ഇരിട്ടി, ആലക്കോട്, ശ്രീകണ്ഠപുരം ഉൾപ്പെടെ മലയോര മേഖലയിൽ കനത്ത മഴയാണ് പെയ്യുന്നത്. നേരം പുലർന്ന ശേഷമാണ് അൽപം ശമനമുണ്ടായത്.

അതേസമയം, കണ്ണൂർ നഗരം ഉൾപ്പെടെയുള്ള തീരദേശ മേഖലയിൽ മഴയില്ല. …