അച്ഛന്റെ വിജയം ആവർത്തിച്ച് ടിനി ടോമിന്റെ മകൻ ആദം ഷെം
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തൊടുപുഴ∙ 1993 ലെ എംജി യൂണിവേഴ്സിറ്റി കലോത്സവത്തിൽ അച്ഛൻ നേടിയ വിജയം ആവർത്തിച്ച് നടൻ ടിനി ടോമിന്റെ മകൻ ആദം ഷെം. അന്ന് അച്ഛൻ മിമിക്രിയ്ക്കാണ് സമ്മാനം നേടിയതെങ്കിൽ മകൻ വെസ്റ്റേൺ സോളോയിലാണ് എ ഗ്രേഡ് സ്വന്തമാക്കിയത്. രാജഗിരി കോളജ് ഓഫ് അപ്ലൈഡ് സയൻസസിനെ പ്രതിനിധീകരിച്ച് മത്സരത്തിൽ പങ്കെടുത്ത ടീമിൽ ആദമും പാർവതി നായരുമാണ് ഉണ്ടായിരുന്നത്. ടൈറ്റാനിക്കിലെ ‘മൈ ഹാർട്ട് വിൽ ഗോ ഓൺ’ ഹൃദ്യമായി അവതരിപ്പിച്ചാണ് ഇരുവരും സദസ്സിനെ ആനന്ദിപ്പിച്ചത്.
ഗിറ്റാറിസ്റ്റായ ആദം മുൻപ് സ്കൂൾ കലോത്സവങ്ങളിലെ നാടകമത്സരങ്ങളിൽ മികച്ച അഭിനയ പ്രകടനങ്ങളും കാഴ്ച വച്ചിട്ടുണ്ട്. 93ൽ മഹാരാജാസ് കോളജിനു വേണ്ടി മിമിക്രിയിൽ സമ്മാനം നേടിയതിന്റെയും കലോത്സവത്തിന്റെയും മധുരിക്കുന്ന ഓർമകളിലൂടെ മകന്റെ സമ്മാന വാർത്ത തന്നെ കൂട്ടിക്കൊണ്ടു പോയെന്ന് ടിനി ടോം പറഞ്ഞു.
