അടിമാലി ∙ ഇരുമ്പുപാലം, ചില്ലിത്തോട് മേഖലകളിൽ ഭീതി പടർ‌ത്തി കാട്ടുപോത്ത്. സിപിഎം അടിമാലി ഏരിയ സെക്രട്ടറി ചാണ്ടി പി.അലക്സാണ്ടറിന്റെ വീട്ടു മുറ്റത്ത് വെള്ളിയാഴ്ച പുലർച്ചെ 2ന് കാട്ടു പോത്ത് എത്തിയ ദൃശ്യം നിരീക്ഷണ ക്യാമറയിൽ പതിഞ്ഞിട്ടുണ്ട്.
ഇതോടൊപ്പം ചില്ലിത്തോട് തൈക്കാവ് ടൗൺ ജുമാ മസ്ജിദിന് സമീപം തൊഴുത്തിങ്കൾ മുനീറിന്റെ വീടിനു മുൻപിൽ ഇന്നലെ രാവിലെ 6 ന് കാട്ടുപോത്ത് നിലയുറപ്പിച്ചു. പ്രദേശവാസികൾ എത്തിയതോടെ പെരുന്നൂച്ചാൽ, തുമ്പിപ്പാറ വനമേഖലയിലേക്ക് കാട്ടുപോത്ത് പോയെന്ന് നാട്ടുകാർ പറഞ്ഞു.
ഇരുമ്പുപാലം ടൗണിനോടു ചേർന്നാണ് ചാണ്ടി താമസിക്കുന്നത്.
രാത്രി ടൗണിൽ എത്തിയ ശേഷമാണ് വീട്ടിലേക്ക് കാട്ടുപോത്ത് എത്തിയതെന്നാണ് നിഗമനം. ചില്ലിത്തോട് സ്കൂളിന് സമീപം രാത്രി 10 മണിയോടെ കാട്ടുപോത്ത് എത്തിയതായി പ്രദേശവാസികൾ പറഞ്ഞു.
ജനവാസ മേഖലയിൽ കാട്ടുപോത്തിന്റെ സാന്നിധ്യം നാട്ടുകാരിൽ പരിഭ്രാന്തിക്ക് ഇടയാക്കിയിട്ടുണ്ട്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
