പാതയോരത്ത് നിർത്തിയിട്ടിരുന്ന കാറിന്റെ ടയറുകൾ മോഷ്ടിച്ചു

മൂന്നാർ∙ പാതയോരത്ത് നിർത്തിയിട്ടിരുന്ന വാഹനത്തിന്റെ ടയറുകൾ മോഷണം പോയി. മൂന്നാർ – മാട്ടുപ്പെട്ടി റോഡിൽ ഗ്രഹാംസ് ലാൻഡ് അമ്പലത്തിനു സമീപം താമസിക്കുന്ന ജെ.രഘു ചാൾസിന്റെ കാറിന്റെ 4 ടയറുകളാണ് മോഷ്ടിച്ചത്.

കഴിഞ്ഞ ദിവസം രാത്രിയിലാണ് മോഷണം നടന്നത്. വീടിന് സമീപമുള്ള പാതയോരത്ത് നിർത്തിയിട്ടിരുന്ന കാറിൻ്റെ അലോയ് ടയറുകൾ ഊരിയെടുത്ത ശേഷം കല്ലുകൾ വച്ച്  വാഹനം ഉയർത്തിവച്ച ശേഷമാണ് മോഷ്ടാക്കൾ കടന്നത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.

നയമക്കാട്, മാട്ടുപ്പെട്ടി റോഡിലെ വർക്സ് ഷോപ്പ് എന്നിവിടങ്ങളിലും അടുത്തിടെ സമാന രീതിയിൽ വാഹനങ്ങളുടെ ടയറുകൾ മോഷണം പോയിരുന്നു. ടയറുകൾ മോഷണം പോകുന്നത് പതിവായിട്ടും പ്രതികളെ പിടികൂടാത്തതിനെതിരെ കടുത്ത വിമർശനമാണ് ഉയരുന്നത്.

…