ദേവികുളത്ത് കറവപ്പശുവിനെ കടുവ കടിച്ചുകൊന്നു

മൂന്നാർ ∙ തോട്ടം മേഖലയിൽ വീണ്ടും കടുവയുടെ ആക്രമണം; മേയാൻ വിട്ടിരുന്ന കറവപ്പശുവിനെ കടുവ കടിച്ചുകൊന്നു. ദേവികുളം ഫാക്ടറി ഡിവിഷനിൽ കെ.കണ്ണന്റെ പശുവിനെയാണു കടുവ കൊന്നത്.

ഞായറാഴ്ച ഉച്ചയ്ക്കു മേയാൻ വിട്ട പശു മടങ്ങിവരാത്തതിനെത്തുടർന്നു വീട്ടുകാർ നടത്തിയ തിരച്ചിലിലാണ് ഇന്നലെ രാവിലെ രണ്ടാം നമ്പർ ഫീൽഡിൽ പാതി തിന്ന നിലയിൽ പശുവിന്റെ ജഡം കണ്ടെത്തിയത്. 
ഒന്നര മാസത്തിനിടെ ദേവികുളം ഒഡികെ, സൈലന്റ്‌വാലി, അരുവിക്കാട് എന്നിവിടങ്ങളിലായി 4 പശുക്കളെ കടുവ കൊന്നിരുന്നു.

ഇതോടെ തോട്ടം മേഖലയിൽ ഈ വർഷം കടുവയുടെ ആക്രമണത്തിൽ ചത്ത പശുക്കളുടെ എണ്ണം 22 ആയി. … FacebookTwitterWhatsAppTelegram