ഇത് പണിയാകും: വൈദ്യുത കേബിളുകൾ പുറത്തുവന്ന നിലയിൽ; അപകട ഭീഷണിയെന്ന് നാട്ടുകാർ

തൊടുപുഴ ∙ ജില്ലാ ആശുപത്രി മുറ്റത്ത് വൻ അപകട ഭീഷണി ഉയർത്തി വൈദ്യുതിക്കെണി.

ആയിരക്കണക്കിന് ആളുകൾ നടന്നു പോകുന്ന വഴിയിൽ ടൈലുകൾക്ക് അടിയിലൂടെ വലിച്ചിരുന്ന വൈദ്യുത ലൈൻ പൈപ്പുകൾ പൊട്ടി കേബിളുകൾ പുറത്തു വന്ന നിലയിലാണ്. കേബിൾ പുറത്തായിട്ട് ഒരു മാസം ആയെങ്കിലും ഇവിടെ പുതിയ പൈപ്പ് സ്ഥാപിച്ചു ലൈൻ താഴ്ത്തി ഇടാൻ അധികൃതർ നടപടി സ്വീകരിച്ചിട്ടില്ല.

ആശുപത്രിയുടെ പുതിയ കെട്ടിടത്തിലേക്ക് പോകുന്ന വഴിയിലാണിത്. മഴയത്ത് ഇവിടെ വെള്ളം കെട്ടിനിന്ന് അപകടം ഉണ്ടാകാനുള്ള സാധ്യത ഏറെയാണെന്ന് ജീവനക്കാർ ചൂണ്ടിക്കാട്ടുന്നു.

മഴയത്ത് ഇവിടെനിന്ന് വൈദ്യുതി സ്പാർക് ഉണ്ടാകുന്നതായും  പറയുന്നു. …