തുറവൂർ ∙ കെൽട്രോൺ –കുമ്പളങ്ങി ഫെറിയിൽ പാലം നിർമാണത്തിന് നടപടിയാകുന്നു. കുമ്പളങ്ങി– അരൂർ കരകളെ തമ്മിൽ ബന്ധിപ്പിക്കുന്ന 300 മീറ്റർ നീളമുള്ള പാലം നിർമിക്കുന്നതിന് 35.36 കോടി രൂപയാണ് വകയിരുത്തിയിട്ടുള്ളത്.
32 മീറ്റർ നീളത്തിൽ 8 സ്പാനുകളിലാണ് പാലം നിർമിക്കുന്നത്. ഈ മാസം 18ന് നിർമാണം തുടങ്ങാനാണ് തീരുമാനം.
18 മാസം കൊണ്ട് നിർമാണം പൂർത്തിയാക്കണമെന്നാണ് കരാർ. പാലത്തിന്റെ ഇരു കരകളിലും അപ്രോച്ച് റോഡും നിർമിക്കണം.
കുമ്പളങ്ങി കരയിൽ 100 മീറ്റർ ദൈർഘ്യത്തിൽ ഇതിനായി സ്ഥലം ഏറ്റെടുത്തിട്ടുണ്ട്. അരൂരിൽ 160 മീറ്ററിലാണു അപ്രോച്ച് റോഡിനായി സ്ഥലം ഏറ്റെടുത്തിട്ടുള്ളത്.
ഇരുഭാഗത്തും പാലം നിർമാണത്തിന് ആവശ്യമായ സാമഗ്രികൾ സൂക്ഷിക്കുന്നതിന് സ്ഥല സൗകര്യങ്ങൾ ഇനിയും ലഭ്യമായിട്ടില്ല.
അരൂർ–കുമ്പളങ്ങി കരകളെ തമ്മിൽ ബന്ധിപ്പിക്കുന്ന ആലപ്പുഴ ജില്ലയിലെ രണ്ടാമത്തെ പാലമണിത്. മറ്റൊരു പാലം കുമ്പളങ്ങി–എഴുപുന്ന പാലമാണ്. കണ്ടക്കടവ്, ചെല്ലാനം തുടങ്ങിയ കടലോര മേഖലകളിൽ നിന്ന് ഏറ്റവും എളുപ്പത്തിൽ അരൂരിലെ ദേശീയ പാതയിലെത്താൻ ഈ പാലം വഴി കഴിയുമെന്ന് ദലീമ ജോജോ എംഎൽഎ പറഞ്ഞു.
നിലവിലുള്ള കെൽട്രോൺ കുമ്പളങ്ങി കടവിലുള്ള ചങ്ങാട സർവീസ് ഇന്നുവരെ മാത്രമേയുണ്ടാകൂ.
തുടർന്ന് അമ്മനേഴം– കുമ്പളങ്ങി ജനത കടത്ത് ഉപയോഗിക്കാനാണ് ധാരണ. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
